काठमाडौ, २५ वैशाख ।
व्यवस्थापिका संसदको हिउँदे अधिवेशनको दोस्रो दिन आज भूकम्प पिडितहरुको पुनरस्थापनाका लागि सरकारले संकल्प प्रस्ताव पेश गर्दैछ । दिउँसो एक बजे पछि बस्ने अधिवेशनमा प्रधामन्त्री शुसिल कोइरालाले सरकारका तर्फबाट प्रस्ताव पेश गर्ने कार्यसुची रहेको संसद सचिवालयले जनाएके छ ।
यस्तै राहत तथा पिडितको पुनरस्थापनाका लागि सरकारले गरिरहेको पहलबारे गृहमन्त्री वामदेव गौतमले संसदमा जानकारी दिनु हुनेछ । त्यस लगत्तै दलका शिर्ष नेताले त्यसमाथि टिप्पणी गर्ने र प्रभावित जिल्लाका सभासदले आफ्नो जिल्लाको अवस्थाका बारेमा संसदलाई जानकारी गराउने कार्यक्रम रहेको छ । सरकारले पेश गरेको प्रस्तावमा केही दिन छलफल भएपछि पारित हुनेछ ।
यसैबीच संकल्प प्रस्तावको मस्यौदालाई अन्तिम रुप दिन प्रमुख तीन दलको बैठक बालुवाटारमा बस्दैछ । बैठकले मस्यौदालाई अन्तिम रुप दिएपछि संसदमा प्रतिनिधित्व गर्ने दलहरुको सुझाव लिने एमाले अध्यक्ष भिम रावललले जानकारी दिनु भयो । साना दलको सुझाव पनि समेटी प्रस्तावको अन्तिम मस्यौदालाई दिउँसो संसदमा प्रस्तुत गर्ने बताइएको छ ।
