बैशाख १८ काठमाण्डौं ।
गत बैशाख १२ गते गएको भुकम्पका कारण क्षतिग्रस्त अवस्थाको निरीक्षण एवं उद्धार राहत र सरसफाईमा केन्द्रीत नेकपा माओवादीका महासचिव नेत्र विक्रम चन्द विप्लवले आज रेडियो मिर्मिरेको निरीक्षण गर्नु भएको छ ।
क्षति पुगेको स्टुडियो, रेकर्डिङ स्टुडियो, न्युज रुम र टावरको निरीक्षण गर्दै महासचिव चन्दले विनाशकारी भूकम्पले देशभर पुगेको क्षति सगै मिर्मिरेमा भएको क्षतिप्रति पनि दुखः व्यक्त गर्नु भयो ।
उहॉले धेरै प्रभावित क्षेत्रमा उद्धार एवं राहतको काम प्रभावकारी हुन नसकेको भन्दै उहाले अहिलेको यस घडीमा पार्टीले उद्धार एवं राहतमा सबै क्षेत्रबाट पहल गरीरहेको बताउनु भयो ।
यसै गरी आजै नेकपा माओवादीका प्रवक्ता खड्ग बहादुर विश्वकर्मा प्रकाण्डले पनि आजै रेडियो मिर्मिरेको निरीक्षण गर्नु भयो ।
सो अवसरमा उहाले अहिलेको भूकम्पबाट विभिन्न सञ्चार माध्यममा पुगेको क्षतिप्रति दुखः व्यक्त गर्दै सञ्चारमाध्यमहरुको भवन तथा संरचना पुननिमार्णका लागि पहल गर्नु पर्ने आवस्यकता रहेको औल्याउनु भयो ।
