बैशाख १७ काठमाण्डौं । राष्ट्रिय पीडित उद्धार परामर्श तथा युवा समाज नेपाल र रेडियो मिर्मिरेको स‘युक्त पहलमा विभिन्न भूकम्प प्रभावित क्षेत्रहरुमा श्वास्थ्य शिविर राखिने भएको छ ।
समाजका अध्यक्ष राजकुमार बस्नेतको नेतृत्वमा जाने टोलीले काभ्रे, सिन्धुपालचोक,दोलखा,गोरखा लगायतका जिल्लामा श्वास्थ्य शिविरहरु सञ्चालन गर्ने छ । यो शिविरको शुरुवात बैशाख १८ गते शुक्रबारबाट शुुरु हुने छ ।
साथै केही मण्डरी र खाद्य सामाग्री पनि वितरण गरिने समाजका अध्यक्ष राजकुमार बस्नेतले जानकारी दिनु भयो ।
राहतमा सहयोग गर्न चाहनेले समाजको कार्यलय वानेश्वर वा रेडियो मिर्मिरेको कार्यलयमा सम्पर्क राख्न सक्नु हुने छ ।
यसैबीच अमेरीकामा रहेका जो कोहीले यस अभियान मार्फत सहयोग गर्न चाहनुहुन्छ भने ९२९३४६९५७१ मा लाक्पा भुटिया शेर्पा ( कर्मा ) लाई सम्पर्क गर्न समाजका अध्यक्ष राज कुमार बस्नेतले आग्रह गर्नु भयो । यस्तै नेपालमा सम्पर्कका लागि ९८५११४७०६२ र ४७७१२२८ नम्बर उपलव्ध रहेको छ ।
यसैबीच अध्यक्ष बस्नेतले भुकम्प आउने भन्दै हल्ला गरी आतकित बनाउने, चोरी गर्ने जस्ता गतिविधि बढेकाले सचेत रहन पनि आम समुदायलाई आग्रह गर्नु भएको छ ।
