काठमाण्डौ ,१२ वैशाख ।
नेपाल विद्युत् प्राधिकरणले आजदेखि लागु हुनेगरी दैनिक एक घण्टा लोडसेडिङको घटाएको छ । हाल दैनिक आठ घण्टा हुँदै आएको लोडसेडिङ आज देखि सात घन्टाभन्दा कम हुने प्राधिकरणले जनाएको छ ।
प्राधिकरणले सार्वजनिक गरेको नयाँ तालिकाअनुसार अब सातामा ४७ घन्टासम्म लोडसेडिङ हुनेछ । यसअघि सातामा ५५ घन्टासम्म लोडसेडिङ हुँदै आएको थियो ।
अब सातामा ४ दिन ६ घन्टा, दुईदिन ८ घन्टा र एकदिन ७ घन्टा बिजुली काटिने छ । ‘कुलेखानी जलासयको पानी सन्चिती अनुकूल रहेकाले साविकमा हुँदै आइरहेको लोडसेडिङ तालिकामा हेरफेर गरिएको’ प्राधिकरणले जनाएको छ ।
हाल विद्युतको माग १२ सय मेगावाट छ । प्रणाली सञ्चालनमा अझै साढे पाँच सय मेगावाट विद्युत अपुग रहेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
