पोखरा, २९ चैत ।
राष्ट्रिय मानव अधिकार आयोगका सदस्य सुदिप पाठकले मानवअधिकारको कुरा गरीरहँदा घरबाट नै मानवअधिकार शिक्षाको आवश्यक रहेको बताएका छन्।
मुलुकमा अझै पनि सचेतनाको आवश्यक रहेको बताएका छन् । पोखरा मिडिया क्लबमा हुर्जा कास्कीले गरेको कार्यक्रममा उहाँले काम गर्दा मुख्य तिन कुरा ख्याल गर्नु पर्ने बताए ।
मानवअधिकार पत्रकार संघ (हुर्जा) कास्कीको चौथो साधारणसभा तथा पोखराका सञ्चारमाध्यममा बिट पत्रकारीताको अवस्था विषयक अन्तरक्रिया कार्यक्रममा बोल्दै पाठकले निरन्तरता, निडरता र सक्षमता हुनु नै सफलता भएको उल्लेख गरे ।
मानवअधिकारमा कुनै जात, भाषा र धर्म नहुने बताउदै पाठकले आफ्नो क्षेत्राधिकारका घटनामा निश्पक्ष छानविन गर्ने बताए ।
राज्यलाई जिम्मेवार बनाउनुपर्ने धारणा व्यक्त गर्दै उनले भने – हामी राज्यलाई जिम्मेवार बनाउदै यो ६ वर्षमा मानवअधिकारको क्षेत्रमा आमुल परिवर्तन ल्याउछौँ ।
साथै कार्यक्रममा बोल्दै सभासद कुमार खड्काले कस्तो पत्रकारीता गर्ने पत्रकार स्वयमले बुझ्नुपर्ने धारणा व्यक्त गरे ।
अघिल्लो संविधानसभाको स्मरण गर्दै खड्काले अधिकारको कुरा धेरै समेटीएको तर कर्तव्यको बोध हुन जरुरी रहेको उल्लेख गरे ।
कार्यक्रममा राष्ट्रिय मानव अधिकार आयोग क्षेत्रीय कार्यलयका प्रमूख डा. टिकाराम पोख्रेलले पत्रकारीता गर्नेहरुमा काम गर्ने आट र लगनशिलताको आवश्यकतामा जोड दिए ।
कार्यक्रममा बोल्दै हुर्जा नेपालका महासचिव किशोर कुमार पौडेलले पत्रकारहरुलाई देख्दा समस्या भएपनि वास्तवमा त्यस्तो नरहेको बताए । बिट पत्रकारीता गर्ने पत्रकारहरुलाई बाँच्न गाह्रो नभएको उनको भनाई छ ।
नेपाल पत्रकार महासंघकी केन्द्रीय सदस्य सुस्मा पौडेलले सबै मिलेर मानवअधिकारको संरक्षणमा लाग्नुपर्नेमा जोड दिए ।
स्वतन्त्र पत्रकार संघका केन्द्रीय अध्यक्ष कृष्ण प्रसाद बास्तोलाले बिट पत्रकारीताको कुरा गरीरहँदा सञ्चारमाध्यमनै बिट समातेर स्थापना भई कुनै एउटा बिटमा काम गर्न सक्नुपर्ने धारणा व्यक्त गरे ।
कार्यक्रममा ज्योतिष पत्रकार संघ नेपालका केन्द्रीय अध्यक्ष डा. बलराम उपाध्याय रेग्मी, नेपाल पत्रकार महासंघ कास्कीका अध्यक्ष रामकृष्ण ज्ञवाली, वरिष्ठ मानवअधिकारकर्मी टेकनाथ बराल, ईन्सेक पश्चिमाञ्चलका प्रमूख शिव खकुरेल लगाएतले बोलेका थिए ।
हुर्जा कास्कीका अध्यक्ष राजेश पराजुलीको अध्यक्षतामा भएको कार्यक्रमको स्वागत उपाध्यक्ष अर्जुन गिरी र सञ्चालन महासचिव बिरेन्द्र सापकोटाले गरेका थिए ।
