“वर्षौंदेखि बन्द रहेका, घाटामा थलिएका र निराशाले घेरिएका हाम्रा आफ्नै राष्ट्रिय उद्योग के फेरि तङ्ग्रेर आफ्नै गोडामा उभिएलान्? धेरैको मनमा यो शङ्का र चिन्ता हुनु अस्वाभाविक होइन,” प्रधानमन्त्री बालेनले लेखेका छन्, “तर जब नियत सफा हुन्छ र जिम्मेवारीप्रति इमानदारी देखाइन्छ, तब जस्तोसुकै चुनौतीपूर्ण परिस्थितिमा पनि सुधारका नयाँ ढोका खुल्छन्।”

 प्रधानमन्त्रीले देखाएका ५ मुख्य ‘आशालाग्दा परिणाम’:

१. नेपाल औषधि लिमिटेडको नाफा ३ करोड

• बिक्री र नाफा: पछिल्लो ४ महिनामा २ करोड ३८ लाख रुपैयाँको औषधि बिक्री भएको छ। विश्व स्वास्थ्य सङ्गठनको GMP मापदण्ड प्राप्त गरेपछि गत आर्थिक वर्षमा कम्पनीले ३ करोड रुपैयाँ नाफा कमाएको छ।
• चालु आवको लक्ष्य: चालु आर्थिक वर्षमा ३० करोड रुपैयाँको औषधि बिक्री गर्ने लक्ष्य राखिएको छ।
• निःशुल्क औषधि: आगामी ३ वर्षमा ९८ प्रकारका निःशुल्क औषधि उत्पादन गर्ने सरकारको १०० बुँदे कार्ययोजनाअनुसार यस वर्ष ३७ प्रकारका औषधि उत्पादन गर्ने लक्ष्यमध्ये २५ प्रकारका औषधिको उत्पादन तयारी अन्तिम चरणमा पुगेको छ। (हाल ११ प्रकारका औषधि उत्पादन भइरहेका छन्।)

२. हेटौँडा कपडा उद्योगमा नेपाली सेनाको परीक्षण उत्पादन

• लामो समयदेखि बन्द रहेको हेटौँडा कपडा उद्योग पुनः सञ्चालनका लागि तान (लुम) मर्मत गरी परीक्षण उत्पादनको जिम्मेवारी नेपाली सेनालाई दिइएको छ। परीक्षण सफल भएपछि नेपाल सरकारले नै यो उद्योग सञ्चालन गर्नेछ।

३. नेपाल वायुसेवा निगमको आम्दानी १ अर्ब १० करोडले वृद्धि

• गत आर्थिक वर्षको चैतदेखि असारसम्म ६ अर्ब २७ करोड ६३ लाख रुपैयाँ आम्दानी भएको छ, जुन अघिल्लो वर्षको सोही अवधिको तुलनामा १ अर्ब १० करोड २१ लाख रुपैयाँले बढी हो।
• अकुपेन्सी (सिट उपयोगिता) ६ प्रतिशतले बढेर ८६ प्रतिशत पुगेको छ।
• जहाज खरिदको ऋणबापत कर्मचारी सञ्चय कोष र नागरिक लगानी कोषलाई १ अर्ब ६ करोड १९ लाख रुपैयाँ किस्ता भुक्तानी गरिएको छ।

४. दुग्ध विकास संस्थान (DDC) मा दैनिक बिक्री ३५% ले बढ्यो

• बक्यौता भुक्तानी: किसानको रोकिएको बक्यौता भुक्तानी चक्र ८ महिना (७२ करोड) बाट घटाएर २–३ महिना (३५ करोड) मा झारिएको छ। किसानलाई दूधमा प्रतिलिटर १ रुपैयाँ प्रोत्साहन रकम थप गरिएको छ।
• राजस्व वृद्धि: दैनिक बिक्री ३५ प्रतिशतले बढेर औसत राजस्व सङ्कलन दैनिक ६० लाखबाट ९० लाख रुपैयाँ पुगेको छ।
• फजुल खर्च कटौती र निर्यात: कर्मचारीलाई दिइँदै आएको निःशुल्क घिउ-दूध सुविधा कटौती गर्दा वार्षिक ३ करोड रुपैयाँ बचत भएको छ। अब चाँडै खाडी मुलुकमा घिउ तथा चीनमा बटर र छुर्पी निर्यात गर्ने तयारी भइरहेको छ।

५. सिंहदरबार वैद्यखानाको कारोबार ४ गुणाले वृद्धि

• सरकार गठन भएपछि ११ करोड १६ लाख रुपैयाँ बराबरको आयुर्वेदिक औषधि उत्पादन गरी बजारीकरण गरिएको छ। गत आवमा औषधिको कारोबार करिब १३ करोड पुगेको छ, जुन अघिल्लो वर्षको तुलनामा ४ गुणा बढी हो।
• निःशुल्क वितरण हुने ३५ प्रकारका औषधि उत्पादनमा आत्मनिर्भर बन्नेतर्फ अग्रसर रहेको वैद्यखानाले हाल १०५ प्रकारका औषधि उत्पादन गरिरहेको छ भने चालु आवमा १५० प्रकार पुर्‍याउने लक्ष्य लिएको छ।

 ‘सहयोग र विश्वासको अपेक्षा’