‘मुख्य व्यक्तिको कार्यशैली नै अराजक भएपछि तल्लो तहसम्म प्रभाव पर्यो’

“प्रधानमन्त्रीले मन्त्रीहरूबिना नै बैठक गर्ने र राज्यका महत्त्वपूर्ण निकायका प्रमुखहरूलाई हतोत्साहित गर्ने काम गरिरहनुभएको छ,” थापाले भने, “मुख्य व्यक्तिको कार्यशैली नै अराजक भएपछि त्यसको प्रभाव तल्लो तहसम्म पुगेको छ। लोकतन्त्रको आत्मा भनेकै कानुनको शासन हो, तर वर्तमान सरकारमा प्रचण्ड बहुमतको अहंकार देखिएको छ, जसले शासकीय अराजकता निम्त्याएको छ।”

 ‘नागरिकको भरोसा राज्यबाट टुट्दै छ, तर कांग्रेस आन्दोलनमा घिउ थप्दैन’

“अहिले नागरिकहरूमा ठूलो आक्रोश छ। यस्तो बेला कांग्रेसले आन्दोलनमा घिउ थप्ने काम गर्दैन,” थापाले स्पष्ट पारे, “हाम्रो मुख्य जिम्मेवारी भनेको नागरिकको भरोसा राज्यमाथि कायम राख्नु र सरकारलाई आफ्ना सम्झौताप्रति जवाफदेही बनाउनु हो।”