काठमाडौँ । प्रधानमन्त्री तथा मन्त्रिपरिषद् कार्यालयले लोक सेवा आयोगका नियमित विज्ञापनहरू नरोकिने स्पष्ट पारेको छ।
मुख्यसचिवको अध्यक्षतामा बसेको सचिव बैठकले ‘यो वर्ष स्थायी पदमा पदपूर्ति नगर्ने’ निर्णय गरेपछि चौतर्फी आलोचना भएको थियो। सोही आलोचना र विवादपछि प्रधानमन्त्री कार्यालयले एक विज्ञप्ति जारी गर्दै आफ्नो धारणा प्रष्ट पारेको हो।
कार्यालयका अनुसार, हाल भइरहेको संगठन तथा व्यवस्थापन सर्वेक्षण (O&M Survey) सम्पन्न भएपछि रिक्त रहने पदहरूमा नियमित रूपमा पदपूर्ति प्रक्रिया अघि बढ्नेछ।
यद्यपि, ओ एण्ड एम सर्वेक्षणका क्रममा धेरै प्राविधिक तथा प्रशासनिक पदहरू कटौती हुने सम्भावना रहेकाले, विगतका वर्षहरूको तुलनामा यो वर्ष लोक सेवामार्फत हुने नयाँ भर्नाको संख्या भने निकै न्यून (कम) हुने विज्ञप्तिमा उल्लेख छ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
