काठमाडौं । स्नो रिभर्स लिमिटेडले आज (बैशाख २९ गते) देखि सर्वसाधारणका लागि प्राथमिक शेयर (आईपीओ) निष्काशन तथा बिक्री खुल्ला गरेको छ। कम्पनीले आयोजना प्रभावित क्षेत्रका बासिन्दा र वैदेशिक रोजगारीमा रहेका नेपालीहरूका लागि शेयर बाँडफाँट गरिसकेपछि दोस्रो चरणमा सर्वसाधारणका लागि आईपीओ ल्याएको हो।
आईपीओ विवरण
कुल कित्ता: ७,७८,१२५ कित्ता (सर्वसाधारणका लागि)
अंकित मूल्य: प्रतिशेयर १०० रुपैयाँ
न्यूनतम आवेदन: १० कित्ता
अधिकतम आवेदन: १,००० कित्ता
निष्काशन बन्द हुने मिति: छिटोमा जेठ १ गते, ढिलोमा जेठ १२ गते
कम्पनी र आयोजनाको अवस्था
आयोजना: १३.५ मेगावाटको सुपर काबेली खोला ‘ए’ जलविद्युत आयोजना।
कुल लागत: २ अर्ब ७१ करोड ९० लाख ८५ हजार रुपैयाँ।
प्रतिमेगावाट लागत: २० करोड १४ लाख १४ हजार रुपैयाँ।
लगानी फिर्ता हुने अवधि: साधारण फिर्ता अवधि ८.१७ वर्ष र डिस्काउण्टेड अवधि १५.७७ वर्ष।
रेटिङ्ग: इक्रा नेपालले ‘इक्राएनपी इस्यूअर रेटिङ्ग डबल बी प्लस’ प्रदान गरेको छ, जसले मध्यम जोखिम रहेको बुझाउँछ।
कसरी दिने आवेदन?
लगानीकर्ताले नेपाल धितोपत्र बोर्डबाट अनुमति प्राप्त आस्बा (ASBA) सेवामा सहभागी बैंक तथा वित्तीय संस्थाहरू र तिनका शाखा कार्यालयहरूबाट आवेदन दिन सक्नेछन्। साथै, ‘मेरो शेयर’ सफ्टवेयर र मोबाइल एपमार्फत पनि सहजै आवेदन दिन सकिनेछ। कम्पनीको शेयर निष्काशन तथा बिक्री प्रबन्धकमा सानिमा क्यापिटल लिमिटेड रहेको छ।
