काठमाडौँ। संवैधानिक परिषद् र सहकारीसम्बन्धी दुई अध्यादेश जारी गर्न सरकारले राष्ट्रपति रामचन्द्र पौडेलसमक्ष गरेको सिफारिसपछि उत्पन्न विवाद र विरोधका बीच सत्तारुढ दल राष्ट्रिय स्वतन्त्र पार्टी (रास्वपा) ले आफ्ना सांसदहरूसँग छलफल गर्ने भएको छ।
संसदीय प्रक्रियालाई बेवास्ता गर्दै अध्यादेश ल्याउन सिफारिस गरिएको भन्दै सरकारको व्यापक आलोचना भइरहेको छ। यही परिप्रेक्ष्यमा रास्वपाले आफ्ना सांसदहरूसँग अनौपचारिक छलफलको आयोजना गरेको हो।
पार्टी प्रवक्ता मनिष झाका अनुसार उक्त छलफल सिंहदरबारस्थित संसदीय दलको कार्यालयमा राखिएको छ। उनले जानकारी दिएअनुसार काठमाडौँ उपत्यकामा रहेका रास्वपाका सबै सांसदहरूलाई सहभागी हुन आह्वान गरिएको छ। बैठकमा अध्यादेशसम्बन्धी सरकारको चाल र त्यसपछिको रणनीतिबारे छलफल हुने अपेक्षा गरिएको छ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
