आज बैशाख १६ गते (२९ अप्रिल २०२६) देखि याम्बालिङ्ग हाइड्रोपावर लिमिटेडले सर्वसाधारण लगानीकर्ताका लागि आईपीओ (प्राथमिक सेयर निष्कासन) खुला गरेको छ। कम्पनीले यसअघि आयोजना प्रभावित स्थानीय बासिन्दा, वैदेशिक रोजगारीमा रहेका नेपाली, सामूहिक लगानी कोष तथा कर्मचारीका लागि शेयर बाँडफाँट गरिसकेको छ।
कति शेयर सर्वसाधारणका लागि?
कम्पनीले जारी पूँजी ७० करोड रुपैयाँको ४० प्रतिशत अर्थात् २८ करोड रुपैयाँ बराबरको २८ लाख कित्ता सेयर निष्कासन गर्ने अनुमति पाएको थियो। सो मध्ये अहिले सर्वसाधारण लगानीकर्ता (दोस्रो चरण) का निम्ति १७ करोड ४३ लाख रुपैयाँ बराबरको १७ लाख ४३ हजार कित्ता सेयर खुला गरिएको हो।
न्यूनतम र अधिकतम आवेदन:
न्यूनतम: १० कित्ता
अधिकतम: २१,००० कित्ता
महत्त्वपूर्ण मितिहरू:
निष्कासन छिटोमा: बैशाख २२ गते
ढिलोमा: बैशाख ३० गते (जारीकर्ताको विवरण अनुसार पहिले पनि बन्द हुन सक्छ।)
रेटिङ्ग र जोखिम सूचक:
केयर रेटिङ्ग नेपालले कम्पनीलाई ‘केयरएनपी डबल बी माइनस’ इस्यूअर रेटिङ्ग प्रदान गरेको छ, जसले कम्पनीको दायित्व वहन गर्ने क्षमतामा मध्यम जोखिम रहेको संकेत गर्दछ।
आयोजनाको अवस्था:
क्षमता: ७.२७ मेगावाट (याम्बालिङ्ग खोला जलविद्युत आयोजना)
कुल लागत: १ अर्ब ८७ करोड ११ लाख ५६ हजार रुपैयाँ
प्रतिमेगावाट लागत: २५ करोड ७३ लाख रुपैयाँ
बाँकी विद्युत् अनुमतिपत्र: २५ वर्ष ६ महिना
साधारण लगानी फिर्ता अवधि: १०.७६ वर्ष
डिस्काउन्ट (घटाएको) मा फिर्ता अवधि: १९.८७ वर्ष
कसरी आवेदन दिने?
सी-आस्बा प्रणालीमा आबद्ध बैंक तथा वित्तीय संस्थाका शाखाबाट
मेरो शेयर (CDSC) अनलाइन प्रणालीबाट
बिक्री प्रबन्धक:
मुक्तिनाथ क्यापिटल लिमिटेड
