काठमाडौँ, ३ वैशाख । नेपाली बजारमा आज सुन र चाँदीको भाउमा सामान्य वृद्धि भएको छ। बुधबार तोलामा २ हजार ९ सय रूपैयाँले बढेको सुनको मूल्य आज थप १०० रूपैयाँले बढेको हो।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला ३ लाख २ हजार ८ सय रूपैयाँमा कारोबार भइरहेको छ। हिजो (बुधबार) सुन प्रतितोला ३ लाख २ हजार ७ सय रूपैयाँमा कारोबार भएको थियो।

त्यसैगरी, आज चाँदीको मूल्यमा पनि सामान्य वृद्धि देखिएको छ। बुधबार प्रतितोला ५ हजार २ सय २० रूपैयाँमा कारोबार भएको चाँदी आज ३० रूपैयाँले बढेर प्रतितोला ५ हजार २ सय ५० रूपैयाँ कायम भएको छ।

विश्व बजारमा पनि डलरको तुलनामा सुनको माग बढ्दा मूल्यमा प्रत्यक्ष प्रभाव परेको छ। आज अन्तर्राष्ट्रिय बजारमा सुन प्रतिऔंस ४ हजार ८ सय ३४ अमेरिकी डलर आसपासमा कारोबार भइरहेको छ।

सुनचाँदीको मूल्य वृद्धि

आजका लागि तोकियो विदेशी मुद्राको विनिमयदर

नेप्से परिसूचक ४८ दशमलव ५७ अङ्कले बढ्यो

सुनचाँदीको मूल्य घट्यो

मेलाबाट उठेको रकम पर्यटनमा लगानी

पुँजी बजार सुदृढीकरणका लागि २१ बुँदे कार्ययोजना सार्वजनिक: पुँजीगत लाभकर घटाइयो, मार्जिन लेन्डिङ सहज हुने