नेपाल राष्ट्र बैंकद्वारा घरजग्गा कारोबारको विस्तृत तथ्याङ्क सार्वजनिक: मधेस प्रदेश कारोबारमा अगाडि, बागमती मूल्यमा
काठमाडौँ, ३० चैत | नेपाल राष्ट्र बैंकले मुलुकको रियलस्टेट (घरजग्गा) कारोबारको वर्तमान अवस्था र प्रवृत्तिबारे विस्तृत तथ्याङ्क सार्वजनिक गरेको छ। आर्थिक वर्ष २०७९/८० लाई आधार वर्ष मानेर तयार पारिएको यो प्रतिवेदनले घरजग्गा क्षेत्रको मौसमी उतारचढाव र प्रादेशिक अवस्थालाई चित्रण गरेको छ।
राष्ट्र बैंकका अनुसार अबदेखि घरजग्गा कारोबारको विवरण त्रैमासिक रूपमा सार्वजनिक गरिनेछ। यसका लागि भूमि व्यवस्थापन तथा अभिलेख विभाग, आन्तरिक राजस्व विभाग र बैंकको आफ्नै स्रोतलाई आधार मानिएको छ।
मौसमी प्रभाव: तथ्याङ्कअनुसार घरजग्गा कारोबारमा स्पष्ट ‘सिजनल’ प्रभाव देखिएको छ। आर्थिक वर्षको पहिलो त्रैमासमा कारोबार न्यून हुने र तेस्रो तथा चौथो त्रैमासमा उच्च हुने प्रवृत्ति पाइएको छ।
कर्जा प्रवाहमा वृद्धि: आव २०७७/७८ देखि २०८१/८२ सम्मको अवधिमा:
घरजग्गा कर्जा (Real Estate Loan): ७२.४१% ले वृद्धि।
आवासीय कर्जा (Residential Loan): ६१.५५% ले वृद्धि।
