नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले भदौ २३ गते जेन( जी प्रदर्शनमा गोली चलाउने आदेश नदिएको दोहोर्याएका छन्।
बुधबार केही दिनदेखि तत्कालीन प्रधानमन्त्रीको रूपमा आफूले नै गोली चलाउन आदेश दिएको भन्दै निराधार हल्ला फिँजाइएको भन्दै उनले उक्त कुरा पुन दोहोर्याएका हुन्।
ुसंवैधानिक अंगका कार्यालय रक्षाका लागि सुरक्षाकर्मीले चौबिसै घण्टा हतियारसहित कमब्याट पोजिसनमा उभिएको हुन्छ,ु उनले लेखेका छन्, ुउनीहरूले सरकारको आदेश होइन, कानुनको शपथ लिएका हुन्छन्। त्यस दिन पनि सरकारको आदेशमा गोली चलेको होइन, सरकारले आदेश दिएको पनि होइन।ु
उनले शान्तिपूर्ण भएको प्रदर्शनमा प्रहरीले कुनै बल प्रयोग नगरेको स्पष्ट पारेका छन्। बानेश्वरको निषेधित क्षेत्र तोडिँदासम्म कुनै गोली नचलेको ओलीको दाबी छ।
ुसंविधानले कुनै पनि प्रधानमन्त्रीलाई आफ्नै नागरिकलाई गोली चलाउन आदेश दिन पाउने अधिकार दिएको छैन, र त्यस्तो आदेश मैले कहिल्यै दिएको पनि छैन र आदेश दिन सोच्न पनि सक्दिनँ,ु ओलीले भनेका छन्।
