काठमाण्डाैँ । कृषि तथा वन विज्ञान विश्वविद्यालय रामपुरकाे आयाेजनामा पाठ्यक्रम सम्बन्धि परिमार्जनकाे दुई दिने कार्यशाला काठमाण्डाैँमा सम्पन्न भएकाे छ । कृषि संकाय अन्तर्गत सञ्चालित B.Sc-Ag (स्नातक) कार्यक्रमकाे पाठ्यक्रम प्रमाणीकरण कार्यशाला ( Validtion Workshop) USAID, UGC, NARC, FOA, DOA, ICEMOD लगायतका विभिन्न सरकारी तथा गैर सरकारी संघ संस्थाका पदाधिकारीहरुकाे सहभागिता थियो ।
स्नातकको पाठ्यक्रम प्रमाणीकरण कार्यशालामा सहभागि वक्ताहरुले सैद्धान्तिक भन्दा पनि व्यावहारिक(प्राक्टिकल) बढी बनाउन आवश्यक रहेकोमा जोड दिएका थिए । कृषिलाई प्रविधिसँग जोड्नु पर्ने र माटो र मौसम अनुसारका बालीको बारेमा व्यावहारिक ज्ञान बिद्यार्थीलाई दिने गरि पाठ्यक्रम परिमार्जन गर्नुपर्ने बताए । साथै पाठ्यक्रम परिमार्जसँगै अध्यापन गराउने प्रोफेसरहरु पनि अपग्रेट हुन जरुरी रहेको बताएका थिए । पाठ्यक्रम मात्रै परिमार्जन हुँदै जाने तर त्यो परिमार्जित पाठ्यक्रम अध्यापन गराउने दक्ष जनशक्तिको नै अभाव भएमा बिद्यार्थीले सहि ज्ञान हासिल गर्न कठिनाई भोग्नुपर्ने उनीहरुको भनाई थियो ।
कार्यशालामा फ्लोरिकल्चर एशोसिएशन नेपालका अध्यक्ष मीन बहादुर तामाङ्गले विद्यार्थीहरुले सरकारी जागिर मात्र नभई एउटा सफल उद्यमी बन्न सक्नु पर्नेमा जाेड दिनु भयाे ।
त्यस्तै कार्यक्रममा कृषि र पशुपालन क्षेत्रका परमपरागत ज्ञान सिपलाई समेट्ने गरि वैदिक कृषि पद्वती सम्बन्धी कृषि बारे कृषि तथा पशुपंछी मन्त्रालयका सहसिचव वासुदेव काफ्लेले आफ्नाे धारणा कार्यक्रममा राख्नु भएकाे थियाे ।
कार्यशालामा उपस्थित विज्ञहरूले सुरूबाटनै पाठ्यक्रममानै समस्या भयकाे बताउदै आगमी दिनमा यस्ताे समस्या समाधान गर्न कार्यशाला गाेष्ठी मार्फत बिज्ञ तथा विद्यार्थी स्वयमसँग राय सुझाब संकलन गर्नु पर्ने बताए ।
पछिल्लो समय कृषि विषय अध्ययन गर्ने विद्यार्थी घट्दै गएको अवस्थामा एएफयुले यसै शैक्षिकसत्रबाट नयाँ पाठ्यक्रमअनुसार पढाइ सुरु गर्ने उदेश्यले पाठ्यक्रम परिमार्जनको तयारि गरेको हो ।
कार्यशालाको अध्यक्षता गरेका विश्वविद्यालयका उपकुलपति प्रा डा पुण्यप्रसाद रेग्मीले सैद्धान्तिक पढाईको तुलनामा प्रयोगात्मक कक्षा बढ्ने गरी नयाँ पाठ्यक्रम लागू गर्न आवश्यक रहेकोमा जोड दिनुभयो । पाठ्यक्रम पुरानो भएकाले संशोधन गरेर यसै शैक्षिकसत्रबाट नयाँ पाठ्यक्रमअनुसार पढाइ सुरु गर्न लागिएको उहाँले जानकारी दिनुभयो ।
एएफयुले प्रयोगात्मक कक्षा बढ्ने गरी नयाँ पाठ्यक्रम लागू गर्न लागेको छ । हालसम्म प्रयोगात्मक ३७ प्रतिशत र लिखित ६३ प्रतिशत रहेकामा प्रयोगात्मकलाई ४५ प्रतिशत पुर्याउने गरी पाठ्यक्रम लागू गर्न लागिएको छ ।
हाल सात विश्वविद्यालयका ३५ वटा क्याम्पसले कृषि स्नातक पढाउँदै आएका छन् । तीमध्ये १६ वटा क्याम्पस कृषि विश्वविद्यालयका हुन् भने अन्य क्याम्पस अरु विश्वविद्यालयको भएको उहाँले जानकारी दिनुभयो । कृषि सङ्कायले यस वर्ष ५० प्रतिशतभन्दा कम विद्यार्थी भर्ना भएमा नजिकको आङ्गिक क्याम्पसमा विद्यार्थी सारेर एकै ठाउँमा पढाउनुपर्ने नीतिगत निर्णय गरेको छ ।
एएफयुमा कृषि विषय अध्ययन गर्ने विद्यार्थी घट्दै, पाठ्यक्रम परिमार्जन गर्ने तयारी
