असार ११ काठमाण्डौँ । पशुपतिमा सुनको जलहरी लगाउने क्रममा एमाले अध्यक्ष केपी ओली र पूर्व राष्ट्रपति बिद्या भण्डारीको नाम लेखेको पाईएको छ । विश्वकै पवित्र धार्मिक स्थलको रुपमा चिनिएको भगवान पशुपतिनाथको मन्दिरमा जलहरीमा ओली र भण्डारीको नाम भेटिएपछि संसदमा बिरोध भएको छ ।
सुनको ठाँउमा पित्तल हालिएको वा ११ किलो सुन कम भएको महालेखा परीक्षकको प्रतिवेदनका आधारमा परेको उजुरी परेको दुई वर्षपछि अख्तियारले छानविन अघि बढाएको थियो । यही बेला दुई जनाको नाम भेटिएपछि आज संसदमा काँग्रेस सांसद रामहरि खतिवडा सहितले बिरोध जनाएका छन् ।
खतिवडाले पशुपतिनाथ मन्दिरमा राखिएको सुनको जलहरीमा पूर्वराष्ट्रपति, पूर्वप्रधानमन्त्री, पूर्वमन्त्रीहरूको नाम लेखिनुको कारण पत्ता लगाउन आवश्यक रहेको बताएका छन् ।
सोमबार संसद् भवनबाहिर सञ्चारकर्मीहरुसँगको कुराकानीमा सांसद खतिवडाले जलहरीमा पूर्वराष्ट्रपति, पूर्वप्रधानमन्त्री र पूर्वसंस्कृतिमन्त्रीको नामबाट पशुपतिनाथलाई पानी खुवाउनुपर्ने हो रु भन्दै प्रश्न गरेका हुन् ।
माओवादी सांसद लेखनाथ दाहालले ओलीले सुनको अक्षरमा नाम लेख्ने रहरले पशुपतिमा जलहरी राखेका रहेछन् भन्दै ओलीले आफू बाहेक विद्या भण्डारी, भानुभक्त ढकाल लगायतको नाम लेखेको पाईएको भन्दै विरोध जनाए ।
संसदमा जलहरी प्रकरणमा गंभीर प्रश्न उठाएका दाहालको अभिव्यक्तिलाई लिएर यस अघि एमालेले संसद अबरुद्ध पारेपछि उनको अभिव्यक्ति रेकर्डबाट हटाईएको थियो ।
यसैबीच एमाले सचेत महेश बर्तौलाले भने पशुपतिको जलहरीमा उद्घाटन गर्नेको नाम लेख्नु सामान्य भएको प्रतिकृया दिएका छन् ।
