बैशाख ८ चितवन । गत मंसीरको निर्वाचनमा टिकट विभेदका कारण तितर वितर भएको काँग्रेस यस पटक लगभग एकजुट छ । दिनेश कोईराला सहित बागीहरु यस पटक समेटिएका छन् । जगन्नाथ पौडेल बाहेक काँग्रेसको सबै टिम एकतावद्ध भएको छ पूर्व सभापति जित नारायण श्रेष्ठको उम्मेद्धारीका कारण ।
त्यसैले चितवनको निर्वाचन माहौल केही परिवर्तन भएको छ । एकातिर रवि लामिछानेले जितेको तीन महिना भित्रै दोहोरो नागरिकताका कारण सर्वोच्चले पद खारेज गरिदिएपछि उपनिर्वाचन हुन लागेकाले उनको पछि लागेको मानिसहरु पनि सबै यस पटक उभिने अवस्था देखिएको छैन । त्यसका बाबजुद निर्वाचन जित्नेमा लामिछाने ढुक्क देखिन्छन् ।
तर स्थानीय उम्मेद्धार, अहिले सम्म कुनै पनि काण्डमा नमुछिएका जीत नारायणले यदी सांसद जिते भने मन्त्री हुने निश्चित भएको छ । उनलाई मन्त्री बनाउने कुरामा प्रधानमन्त्री एवं माओवादी अध्यक्ष प्रचण्ड र काँग्रेस सभापति शेर बहादुर देउवाले एकै मञ्चबाट बचन दिएका छन् ।
गठबन्धनले प्रतिष्ठाको विषय बनाएको चितवन २ को निर्वाचन जीत नारायणका लागि पनि ठूलो अग्नी परिक्षा हो ।
