शुक्रवार देशैभर स्थानीय तह निर्वाचन अन्तरगत मतदान भयो । १४ जिल्लाका ४४ केन्द्रमा मतदान स्थगित हुँदा अन्य सबै स्थानीय तहको मतदान सफलतापूर्वक सकियो । उक्त निर्वाचनमा जेष्ठ नागरिक, फरक क्षमताका व्यक्ति, अपांगता भएका व्यात्तिहरुको पनि उत्साहजनक सहभागीता देखियो । आफै मतदान केन्द्रसम्म आएर मह हाल्न नसक्नेहरु अरुको सहारामा आएर समेत मत हालेर फर्किए ।
तस्बिरमा हेर्नुस:
धनुषाको बटेश्वर गाउँपालिका–१ श्री लक्ष्मी माध्यमिक विद्यालयको मतदान केन्द्रमा १०५ वर्षीय रामप्रसाद महतो शुक्रबार स्थानीय तहको निर्वाचनमा मतदान गर्ने क्रममा ।
इलामको सूर्योदय नगरपालिका-१४ बतासेस्थित सरस्वती माध्यमिक विद्यालयमा रहेको मतदान केन्द्रमा १ सय ११ वर्षीया जेष्ठ नागरिक विष्णुमाया अधिकारी मतदान गरेपछि थकाई मार्दै ।
पोखरा महानगरपालिका– ३३, भरतपोखरीमा अशक्त मतदातालाई मतदानका लागि मतदान केन्द्रमा लैजाँदै ।
भक्तपुर नगरपालिका– ९ च्याम्हसिंहमा मतदान गर्न ह्वीलचियरबाट आउँदै मतदाता ।
स्थानीय तहको निर्वाचन मतदान गरी ह्वीलचियरमा घर फर्किदै महिला ।
स्थानीय तह निर्वाचनका लागि शुक्रबार तनहुँको व्यास नगरपालिका ५ ठूलोटारस्थित उदय माध्यमिक विद्यालय मतदान केन्द्रमा अशक्त ज्येष्ठ नागरिकलाई बोकेर ल्याउँदै ।
पाल्पा रामपुरको दरैठाँटी मावि मतदान केन्द्रमा ज्येष्ठ नागरिकलाई बोकेर लैजाँदै ।
शुक्लाफाँटा नगरपालिका–२ लक्ष्मपुरस्थित बैजनाथ आधारभूत विद्यालयमा स्थानीय तह निर्वाचनका लागि जेष्ठ नागरिकलाई मतदान गर्नका लागि मतदान केन्द्रतर्फ लैजाँदै आफन्त ।
बैतडीको दोगडाकेदार गाउँपालिका–३ मा रहेको सनातन धर्म मावि मतदान केन्द्रमा मतदानका लागि जाँदै गरेको फरक क्षमता भएका व्यक्ति ।
पोखरा महानगरपालिका– १४, मझेरीपाटनस्थित रामेश्वरी माविमा स्थानीय तह निर्वाचनका उम्मेदवारलाई मतदान गर्न वृद्धा अस्वस्थ महिलालाई बोकेर ल्याइँदै ।
सप्तरीको राजविराज नगरपालिका–५ स्थित पब्लिक विन्देश्वरी माध्यमिक विद्यालयमा रहेको मतदानस्थलमा मतदान गरेर फर्किदै अपाङ्गता भएकी महिला ।
सप्तरीको राजविराज नगरपालिका–५ स्थित मतदानस्थलमा मतदान गरेर फर्कदै ज्येष्ठ नागरिक जगदीश साफी ।
काठमाडौँ महानगरपालिकाको हनुमाढोका मतदान केन्द्रमा मतदान गर्दै ज्येष्ठ नागरिक ।
स्याङजाको फेदीखोला गाउँपालिकास्थित सिद्धार्थ माविमा मतदान गर्दै ज्येष्ठ नागरिक ।
रुपन्देहीको तिलोत्तमा–८ मा रहेको मतदानस्थलमा पुग्नुभएका ज्येष्ठ नागरिक ।
जाजरकोटको जुनिचादे गाउँपालिका ४ का ७४ वर्षीय सार्के खड्काको शुक्रबार स्थानीय तह निर्वाचनमा मतदान गरेको केही समयमै मृत्यु भएको छ ।मतदानका लागि उनलाई डोकोमा मतदान केन्द्रसम्म ल्याइएको थियो । मत दिएको केही मिनेटमा नै उनको मृत्यु भएको नाति रेशम खड्काले बताए ।
रसुवामा बृद्धबृद्धा, अशक्त, अपांगता लगायतका नागरिकहरुको पनि उत्साहजनक रुपमा मतदानमा सहभागी भएका छन् । 
