ईन्टरनेटमा सनसनी मच्चाउन सफल रुसकी एक सात वर्षे बालिकाले प्रति महिना डेढ करोड भन्दा बढी रकम कमाउन थालेकी छन् । सञ्चार माध्यमहरुका अनुसार उनले हाल सम्म करीब २ अर्ब नेपाली रुपैँया बराबरको कमाई गरीसकेकी छन् ।
सात वर्षे बालिका अनास्तासिया रेडजिन्सकाया नामकी यी बालिकाले विश्वभरमै युट्युबको सबै भन्दा धेरै क्रियटर्स मध्य एक बनेकी छन् ।
उनले आफ्नो परिवारको लक्जरियस होलिडे लाईफमा आधारीत कन्टेन्ट बनाएर युट्युबमा हाल्ने गरेको डेली स्टारको रिपोर्टमा उल्लेख छ । उनले ईन्सटाग्राममा पनि बच्चाहरुको पौष्टिक खानेकुरा, जेट यात्रा जस्ता कुराहरु पोष्ट गर्छिन् । यीनै सामाजिक सञ्जालहरुबाट उनले मोटो रकम कमाउन सफल भएकी हुन् ।
सन् २०१४ मा जन्मिएकी उनका आमा बुवाले उनको स्वास्थ्य समस्याका कारण आफ्नो रोजगारी छाडेर छोरीका लागि युट्युब च्यानल लाईक नास्ताया शुरु गरिदिएका थिए । जो अहिले करोडौँ कमाईको माध्यम बन्न पुगेको छ ।
अनास्तासियाले चार वर्ष अघि हालेको भिडियोको एउटा कन्टेन्ट ९० करोड बढीले हेरेका छन् ।
८६ मिलियन सब्सक्राईबर रहेको उनको च्यानलमा हाल सम्म ६९०० भ्युज पुगिसकेको छ ।
