मुला हरेक नेपालीहरुका लागि सहज तरिकाले उपलब्ध हुने परिकार हो । मुला खानाले धेरै कुराहरुमा फाइदा हुन्छ । यसैं मध्य मुला खानाले पायल्स रोग निको हुन्छ । पाइल्स एउटा यस्तो रोग हो, जसमा शरीरका विशेष हिस्सामा हरेक समय पीडा र जलन महसुस हुने गर्दछ ।
पाइल्सका केहि विशेष लक्षणः
गुदाद्वारबाट रगत आउनु
दिसा गर्दा निकै पीडा हुनु
पेटको तल्लो भागमा पीडा हुनु
कब्जियत र चिलाउनु
पाइल्सको प्रारम्भिक चरणमा यसको उपचार गराउनु निकै आवश्यक छ अन्यथा यो धेरै गम्भीर रोगमा परिणत हुन्छ ।
यदि पाइल्सको उपचार गराइएन भने यसले रेक्टल अल्सर र क्यान्सरको खतर निम्त्याउँछ ।डाक्टरसँग सल्लाह लिएर यसको उपचार गर्नु आवश्यक छ ।
पाइल्स रोकथामको लागि सबै भन्दा उत्तम विकल्प मुला हो । मुलाको नियमित र सही प्रयोगबाट पाइल्ससम्बन्धी समस्या केही महिनामै समाधान हुने गर्दछ ।
यसको सबैभन्दा ठुलो फाइदा यो हो कि मुलाको नियमित सेवनबाट पाइल्ससम्बन्धी समस्या बढ्दा पनि बढ्दैन । पाइल्सका रोगीहरूलाई सामान्यतः मुला खान सल्लाह दिने गरिन्छ । यसको सबैभन्दा ठुलो कारण हो, मुलामा डाइट्री फाइबर्स पाइने गर्दछ । यसले स्टुललाई मुलायम गर्न सहयोग गर्दछ ।
यसबाट पाचन प्रक्रियापनि राम्रो हुन्छ । मुलामा कयौँ यस्ता तत्व पाइन्छ, जुन पाइल्सका भएपछि हुने पीडा कम गर्न सहयोगीसिद्ध हुन्छ । यसका साथै मुलाले चिसो बनाउने काम पनि गर्दछ, जसबाट जलनमा पनि राहत प्राप्त हुन्छ । पाइल्स रोगीले काँचो मुला सेवन गर्नु उपयुक्त मानिएको छ ।
