काठमाण्डौ , २३ माघ ।
सिमरा गोल्डकपको ९ औ संस्करणको खेल तालिका सार्वजनिक भएको छ । पर्सि बिहिवारबाट सुरु हुने प्रतियोगितामा १० टोलीको सहभागीता रहने छ ।
लक्ष्मी हुन्डाई , मनाङ मस्याङदी र नेपाली सेनाको त्रिभुवन आर्मि क्लवले प्रतियोगीतामा सिधै क्वाटरफाईनल खेल्नेछन् ।
डिफेन्डिङ च्याम्पियन , सिएमजी संकटा , थ्रीस्टार , ससस्त्र प्रहरीको एपिएफ क्लब ,सुदुरपश्चीम ११ , मोरङ फुटवल क्लब , आयोजक नवजनजागृति युवा क्ला , हेटौडाको विजय युथ क्लब र वींरगन्ज युनाईटेड क्लबले प्रतियोगितामा सहभागिता जनाउने छन् ।
आहा रारा गोल्डकप र राखेप च्याम्पियनसिपको विजेता नेपाल पुलिस क्लब भने प्रतियोगितामा सहभागी नहुने भएको छ । उद्घाटन खेलमा पर्सि बिहिवार आयोजक नवजनजागृति र विजय युथ भिड्ने छन् । फाईनल खेल फागुन ५ गते हुने छ ।
प्रतियोगिताको विजेताले ५ लाख ५५ हजार रुपैया प्राप्त गर्ने छ ।
