पोखरा, माघ १८ ।
विभागीय टोली नेपाल पुलिस क्लव कास्कीको पोखरामा जारी १६ औं आहा रारा गोल्डकप फुटबल प्रतियोगिताको फाईनलमा पुगेको छ ।
आज दोस्रो सेमिफाइनलमा धरान फुटबल क्बललाई १ – ० ले पराजित गर्दै फाईनल यात्रा तय गरेको हो।
पोखरा रंगशालामा भएको खेलमा पुलिसका लागी सुमन लामाले २२ औ मिनेटमा गरेको गोल नै जितका लागी पर्याप्त बन्यो ।धरानका रोमन लिम्बुले पुलिसका रवि पाश्वानलाई पेनाल्टी एरियामा लडाएपछि पाएको पेनाल्टी सुमन राईले सेकेन्ड बार च्यापेर प्रहार गर्दै गोलमा परिणत गरे । एक गोलले पछि परेपछि दबाबमा परेको धरानले दोस्रो हाफमा पाएका केही अवसरको सदुपयोग गर्न सकेन । खेलमा पुलिसका गोलकिपर शत्रुघन चौधरी म्यान अफ दी म्याच भए ।
अब उपाधिका लागी पुलिसले ललितपुरको थ्रीस्टार क्लबसँग प्रतिस्पर्धा गर्ने छ ।
थ्रीस्टार पाहुना टोली बंगदादेशको उत्तर बरिन्धरा क्लबलाई पराजित गर्दै यसअघि नै फाईनलमा पुगिसकेको छ ।
१२ टोली सहभागी प्रतियोगिताको विजेताले सात लाख एक हजार र उपविजेताले तीन लाख ५१ हजार नगद पुरस्कार सहित ट्रफि हात पार्नेछ ।
