काठमाडौं २ माघ ।
आन्तर्रा्ष्ट्रिय क्रिकेट काउन्सिल (आइसीसी) ले सन् २०१९ मा इंगल्याण्डमा हुने वान डे वर्ल्ड कप क्रिकेटको क्वालिफायरको खेल तालिका सार्वजनिक गरेको छ
आइसीसीले सहभागि दश टिमलाई दुई समहूमा विभाजन गरेर खेल तालिका सार्वजनिक गरेको हो ।
आगामी मार्चमा जिम्वावेमा हुने उक्त क्वालिफायरमा कूल १० टोलीले प्रतिस्पर्धा गर्नेछन् । त्यसबाट फाइनल पुग्ने दुई टोलीले अर्को वर्ष इंगल्याण्डमा हुने वर्ल्ड कप खेल्न पाउनेछ ।
आइसीसी वर्ल्ड क्रिकेट लिग डिभिजन टू को शीर्ष दुई टिमले जिम्वावेमा मार्च ४ देखि २५ सम्म हुने क्वालिफायरमा खेल्नेछ
क्वालिफायर खेल्ने दश मध्ये ८ टिमको छिनोफानो भइसकेको छ भने बाँकी दुई टिमको तय फेब्रुअरीमा नामिवियामा हुने डिभिजन टू बाट हुनेछ ।
जसअनुसार समूह ए मा वेष्टइन्डिज, आयरल्याण्ड, नेदरल्याण्ड, पपुवान्युगिनी, डिभिजन टू को विजेता रहनेछ । यस्तै समूह बी मा अफगानिस्तान, जिम्वावे, स्कटल्याण्ड, हङकङ र डिभिजन टू को उपविजेता रहनेछन् ।
प्रतियोगिता हुनुअघि फेब्रुअरी २७ र मार्च १ मा वार्म अप म्याच हुनेछ ।
