काठमाडौं पुस २९ ।
राखेप च्याम्पियनसिपअन्तर्गत ३९औं हुआवे राष्ट्रिय टेबलटेनिस प्रतियोगिताको उपाधि नेपाल पुलिस क्लबका स्यान्टु श्रेष्ठ र नविता श्रेष्ठले जितेका छन् । दुवै खेलाडी आज भएको फाइनल खेलमा आफ्नै विभागका खेलाडीलाई पराजित गर्दै च्याम्पियन बनेका हुन् ।
लैनचौरस्थित राष्ट्रिय टेबलटेनिस प्रशिक्षण केन्द्रमा भएको पुरुष फाइनलमा स्यान्टुले पुलिसकै विनेश खानियाँलाई ११–५, ११–४, ११–९ र ११–९ को सोझो सेटमा पराजित गरेका हुन । ्
महिलातर्फ पुलिसकी नविता श्रेष्ठले आफ्नै विभागकी एलिना महर्जनलाई १२–१०, ११–१, ११–२ र १२–१० सोझो सेटमा पराजित गरिन ्। नविताले सेमिफाइनलमा आर्मीकी दीक्षा तामाङलाई हराएकी थिइन । दीक्षा आर्मीकै स्वेच्छा नेम्वाङ्गलाई हराउँदै सेमिफाइनल पुगेकी थिइन ्।
मिक्स्ड डबल्सतर्फ आर्मीका स्वेच्छा नेम्वाङ्ग र चन्दन शाहीको जोडीले एपीएफका अमरबहादुर मल्ल र सेलिशा खड्गीको जोडीलाई ११–६, ८–११, ११–७ र ११–९ले पराजित गरेका हुन ।
७ स्पर्धा समावेश प्रतियोगितामा प्रहरीले ६ स्वर्णमाथि कब्जा जमाएको छ । प्रहरीले मिक्स डबल्समा मात्र स्वर्ण जित्न सकेन । चार दिन चलेको प्रतियोगितामा ३ क्षेत्र र ३७ जिल्ला संघ गरी ४० टिमका २ सय ३५ खेलाडीले सहभागिता जनाएका थिए ।
