पोखरा, २९ पुस । १२औँ सफल पोखरा अन्तर्रा्ष्ट्रिय म्याराथन प्रतियोगिता आगामी फागुन ७ गते हुने भएको छ ।
भूतपूर्व खेलाडी मञ्च नेपाल पोखराले पत्रकार सम्मेलनको आयोजना गरि प्रतियोगितामा बिभिन्न स्पर्धामा धावकहरुले प्रतिस्पर्धा गर्ने जानकारी दिएको हो ।
प्रतियोगितामा प्रथम, द्वितीय र तृतीय हुने धावकले क्रमशः रु ७० हजार, रु ४५ हजार र रु ३० हजार नगद तथा प्रमाणपत्र प्राप्त गर्ने मञ्चका अध्यक्ष तेजबहादुर गुरुङले जानकारी दिए ।
त्यस्तै १० किलोमिटर पुरुष र महिला दौड पनि आयोजना गरिनेछ ।
उक्त प्रतियोगितामा प्रथम रु १५ हजार, द्वितीय रु १० हजार र तृतीय रु पाँच हजार तथा पाँच किलोमिटर छात्रछात्रा दौडमा प्रथम रु १० हजार, द्वितीय रु सात हजार र तृतीय हुनेले चार हजार नगद पुरस्कार पाउनेछन् ।
यसरी नै ४०० मिटर ह्विल चियर पुरुष तथा महिलामा प्रथम, द्वितीय र तृतीयले क्रमशः रु पाँच हजार, रु तीन हजार र रु दुई हजार दिइनेछ ।
यो पटक १०० मिटर दृष्टिविहीन दौड पनि आयोजना गरिने भएको छ । प्रतियोगितामा प्रथम, द्वितीय र तृतीय हुनेले क्रमशः रु पाँच हजार, रु तीन हजार र दुई हजार पाउनेछन् ।
