काठमाडौँ पुष १३ ।
भैरहवा ग्लाडीयटर्सलाई टीभीएस एभरेस्ट प्रिमियर लिग (ईपीएल)क्रिकेटको फाइनलमा प्रवेश गरेको छ ।
आज भएको दोस्रो क्वालिफायरमा भैरहवाले ललितपुर प्याट्रीयट्सलाई ३ विकेटले पराजित गर्दै विराटनगरसँगको भेट पक्का गरेको हो ।
रोहितकुमार पौडेलले अन्तिम ओभरको सुरुआती दुई बलमा लगातार छक्का प्रहार गर्दै टिमलाई जित दिलाउन महत्वपूर्ण भुमिका खेले । रोहितले अविजित २७ रन प्रहार गरे ।
पहिलो ब्याटिङ गरेको ललितपुरले निर्धा्रित २० ओभरमा ६ विकेट गुमाउँदै १ सय ३२ रनको योगफल खडा गरेको थियो । ओपनर जयकिशन कोल्सावालाले सर्वा्धिक ४२ रनको योगदान दिए । सन्नी पाटिलले २४ र दिपेश भण्डारीले २२ रन जोडे । भैरहवाका पुनित मेहेराले २ विकेट लिए ।
जवाफी ब्याटिङमा उत्रिएको भैरहवाले ३ बल बाँकी छँदै लक्ष्य भेट्टायो । ओपनर प्रथम सालुन्केले ३२ रनको योगदान दिएका थिए ।
अन्तिम ओभरमा १३ रन आवश्यक पर्दा रोहितले दिपेश भण्डारीको पहिलो दुई बलमा लगातार छक्का प्रहार गरे । ललितपुरका लागि पवन सर्राफ र ललित राजवंशीले २(२ विकेट लिए ।
अब ईपीएल क्रिकेटको उपाधिका लागी विराटनगर वारियर्स र भैरहवा ग्लाडीयटर्स बीचको फाइनल खेल शनिबार हुनेछ ।
