काठमाडौं ,१० पुस । पोखरा राइनोजलाई ७ विकेटले पराजित गर्दै भैरहवा ग्लाडिएटर्स एभरेष्ट प्रिमियर लिग इपीएलको प्लेफमा प्रवेश गरेको छ।
पोखराले दिएको १०९ रनको लक्ष्य १७.४ ओभरमा ३ विकेट गुमाएर पूरा गर्दै भैरहवा दोस्रो चरणमा पुग्ने दोस्रो टोली बनेको हो। यसअघि नै पारस खड्काको कप्तानीमा रहेको टोली विराटनगर वारियर्स लिग चरणको पाँच वटै खेल जितेर शीर्ष स्थानमा रहदै क्वालिफायर्समा पुगिसकेको छ।
४ खेलबाट ६ अंक जोडेको भैरहवा दोस्रो स्थानमा छ। समान खेलबाट २ जित र २ हारको नतिजापछि ४ अंक रहेको पोखरा तेस्रो स्थानमा छ।
कीर्तिपुरस्थित टीयू मैदान टस जितेर पहिले ब्याटिङ गर्ने निर्णय गरेको पोखरा १८.३ ओभरमा १०८ रनमै अलआउट भएको थियो। पोखराका लागि ओपनर इस्राउल्लाहले सर्वा्धिक ४१ रन बनाए। यस्तै सुनिल धमालाले १५ तथा आसिफ अलीले १० रन जोड्दा बाकी खेलाडीले दोहोरो अंक छुन सकेनन्। तिन खेलाडी शुन्यमा आउट भए।
पोखरालाई अलआउट गर्न भैरहवाका दिपेश श्रेष्ठ, शरद भेषावकर र कृष्ण कार्कीले २(२ विकेट लिए भने प्रथम सालुन्के, हरीशंकर शाह, आरिफ शेख र पुनित मेहराले समान १ विकेट लिए।
१०९ रनको लक्ष्य भैरहवाले ३ विकेट गुमाएर पूरा पूरा र्गयो। भैरहवाको तेस्रो जितमा आरिफ शेखले नटबउट ४८ रन बनाए। यस्तै कप्तान शरद भेषावर ३२ रनमा नटआउट रहे। आरिफले ४७ बल खेल्दा ३ चौका र ३ छक्का प्रहार गरे। यस्तै प्रथम सालुन्केले २५ रनको योगदान गरे।
बलिङमा पोखराका ताज वालीले २ तथा कप्तान शक्ति गौचनले १ विकेट लिए।
अब मंगलबार लिग चरणको अन्तिम २ खेल हुँदैछ। भैरहवाले चितवन तथा पोखराले ललितपुरसँग खेल्नेछ।
