काठमाण्डौ ,पुस ६ ।
एसियन चेस फेडेरेसनको कार्यशाला गोष्ठी आजदेखि युएईको अलऐनमा सुरु भएको छ । एसियन मुलुकहरु सहभागी सम्मेलनले चेस खेलका प्रगति र पछिला २ वर्षमा चेसमा भएका सुधारका पक्षमा छलफल गर्दै भावी योजना तय गर्नेछ ।
सम्मेलनमा नेपालले समेत सहभागिता जनाएको छ । सम्मेलनमा सहभागी हुन नेपाल बुद्धिचाल संघका अध्यक्ष एकलाल श्रेष्ठ र सचिव धरम लामा बुधवार युएई आउनु भयो । उनीहरुलाई एभरेष्ट युएई मार्सल आट्र्स एण्ड स्पोर्टस क्लब, एनआरएन तथा नेपाली समाजका पदाधिकारीले स्वागत गरेका थिए ।
युएईको आबुधाबीमा २ वर्षअघि भएको चेस खेलमा नेपालले उत्कृष्ट अवार्ड पाएको थियो । पछिल्ला ४ वर्षमा एसियन मुलुकहरुको तुलनामा उत्कृष्ट खेल तथा चेस खेलको विकासमा सक्रियता देखाएको भन्दै एसियन चेस फेडेरेसनले नेपाललाई उत्कृष्ट अवार्ड दिएको थियो । बिहीबारबाट सुरु भएको सम्मेलन आइतबारसम्म चल्ने आयोजकले जनाएको छ ।
