काठमाडौं, मंसिर १ ।
मलेसियामा जारी एसीसी अन्डर–नाइन्टिन एसिया कप क्रिकेट प्रतियोगितामा नेपालको यात्रा सेमीफाईनलमै टुंगिएको छ ।
मलेसियाको क्वालालम्पुरस्थित किन्रारा ओभल मैदानमा आज भएको खेलमा नेपाल अफगानिस्तान संग ७ विकेटले पराजित भएको छ ।
नेपालले दिएको १ सय ४ रनको सामान्य लक्ष्य फगानिस्तानले २१ औं ओभरमा ३ विकेट गुमाएर पुरा र्गरेको हो ।
अफगानिस्तनका रहमानुल्लाह गुर्बाजले सर्वा्धिक ७१ रन जोडेका थिए भने बलिङतफर्ए नेपालका कमल सिंह ऐरी, पवन शराफ र सन्दिप लामिछानेले एक एक विकेट झारेका थिए ।
यसअघि, आज बिहान टस हारेर पहिले व्याटिङको निम्तो पाएको नेपालले २८ ओभरमा अलआउट हुनुपूर्व १ सय ३ रन मात्रै जोडेको थियो ।
नेपालका अनिल कुमार साहले ५० रन जोड्दा अन्य कुनै पनि ब्याट्सम्यानले दोहोरो अंकको योगफल भेट्न सकेनन् । नेपालले अन्तिम १८ रन जोड्दा महत्वपूर्ण ५ विकेट गुमाएको हो ।
नेपालको ईनिङ ध्वस्त पार्नेक्रममा अफगानिस्तान मजिबर रहमान एक्लैले ६ विकेट लिएका थिए । आजको जितसँगै अफगानिस्तानले पाकिस्तान विरुद्धको उपाधि भिडन्त तय गरेको छ ।
