काठमाडौं २० कात्तिक
नेपाल कराते महासंघको आयोजनामा हुने ५० औ राष्ट्रिय कराते च्याम्पियनसिप यही बुधबार देखि शुक्रबारसम्म हुने भएको छ ।
यसअघि बिहिबारदेखि हुने तय भएपनि प्राविधिक कारणले गर्दा प्रतियोगिता एक दिन अगाडी सारिएको आयोजकले जनाएको छ ।
जापानमा सन् २०२० मा हुने टोकियो ओलम्पिकलाई मध्यनजर गर्दै खेलाडी तयार पार्ने उदेश्यले च्याम्पियसिप गर्न लागिएको हो ।
च्याम्पियनसिपमा पाँच विकास क्षेत्र र ३ विभानगीय गरी ७ टिमका १ सय ८४ खेलाडीले सहभागिता जनाउनेछन् । तीन दिनसम्म चल्ने च्याम्पियनसिपमा महिला र पुरुष तौल समूह तथा एकल टिम कातामा प्रतिस्पर्धा हुनेछ । आयोजकका अनुसार महिलामा ७ तथा पुरुषमा ८ तौल समूहमा प्रतिस्पर्धा गराइनेछ ।
च्याम्पियनसिपबाट उत्कृष्ट २३ खेलाडी राष्ट्रिरय टिमका लागि छनोट गरिने प्रतियोगिता संयोजक दीपक श्रेष्ठले जानकारी दिए ।
कूल २९ लाख खर्च हुने च्याम्पियनसिपको मुख्य प्रायोजकमा ललितपुर मंगलबजारस्थित सम्झना ल्याब्रोटोरी रहेको छ । ल्यमब्रोटोरीले प्रतियोगिताको लागि नगद ८ लाख तथा अन्य विभिन्न सेवा सुविधा गरी कूल १५ लाख बराबरको सहयोग गर्नेछ ।
यस्तै सन् २०१८ मा आयोजना हुने एसियन गेम्समा नेपालका २३ कराते खेलाडीको सम्झना ल्याब्रोटोरीले निस्शूल्क ल्या टेस्ट समेत गराउने जनाएको छ ।
राखेप च्याम्पियनसिप अन्तर्गत हुने कराते च्याम्पियनसिपका खेलहरु राष्ट्रिय खेलकुद परिषदको कभर्डहलमा हुनेछ ।
