एजेन्सी , १२ कार्तिक ।
पाकिस्तान भूमिमा ८ वर्षपछि आज अन्तर्रा्ष्ट्रिय क्रिकेट हुँदैछ । सन् २००९ को मार्च ३ मा भएको आतंकवादी आक्रमणपछि पाकिस्तानी भूमिमा कुनै पनि अन्तर्रा्ष्ट्रिय खेल हुन सकेको थिएन ।
६ जना सुरक्षाकर्मी र २ जना सर्वसाधारणको ज्यान जाने गरी भएको उक्त आक्रमणपछि पाकिस्तानमा अन्तर्रा्ष्ट्रिय क्रिकेट परिषद् आईसीसीले पाकिस्तानमा खेल तालिका नै तय गर्न बन्द गरेको थियो ।
आक्रमणमा श्रीलंकन क्रिकेट टोलीका कप्तान माहेला जयबद्र्धने, उपकप्तान कुमारा सांगाकारासहित ५ जना खेलाडी पनि घाईते भएका थिए ।
पाकिस्तानले समेत क्रिकेटका तीन वटै फर्मेट विदेशी भूमिमा आयोजना गर्दै आएको थियो । उक्त आक्रमणकै बेला टेष्ट खेल्न पाकिस्तानी भूमिमा रहेको श्रीलंकन खेलाडी नै ८ वर्षपछि ट्वान्टी २० म्याच खेल्न लाहोर पुगेका छन् ।
आक्रमणका समय टेष्ट टोलीमा रहेका अधिकांश खेलाडीले सन्यास लिएपनि ३ म्याचको सिरिजको अन्तिम खेल खेल्न श्रीलंकन खेलाडी लाहोर पुगेपछि स्थानीयले स्वागत गरेका छन् ।
अबुधावीमा भएका यसअघिका दुवै खेल गुमाएपनि श्रीलंका ८ वर्षअघिको दर्दनाक घटना बिर्सदै पाकिस्तानी भूमिमा जित निकाल्ने दाउमा हुनेछ ।
खेल, नेपाली समयअनुसार साँझ पौने ७ बजे लाहोरस्थित गद्धाफी स्टेडियममा हुनेछ ।
सोही स्टेडियम जाने क्रममा पाकिस्तानी खेलाडी लक्षित आक्रमण भएपछि श्रीलंका र पाकिस्तानबीचको टेष्ट म्याच समेत स्थगित भएको थियो ।
