१ फुस्रो छाला भएको व्यक्तिले नुहाउनुअघि छाला सुहाउँदो प्याक प्रयोग गर्नु राम्रो हुन्छ । यस्तो प्याक घरमै बनाएर प्रयोग गर्न सकिन्छ । महको प्याक उत्तम हुन्छ । मह र दहीको प्याक बनाएर पूरै शरीरमा लगाउने अनि सुकेपछि नुहाउँदा फुस्रोपनबाट छुटकारा मिल्छ ।
२ नुहाउने पानीमा पनि ध्यान दिनुपर्छ । फुस्रो छाला हुनेले तातोपानीले नुहाउनुहुँदैन । तातोपानीले छालामा रहेको तैलीयपन नष्ट गरेर झन् फुस्रो बनाइदिन्छ । बरु, पानीमा केही थोपा तेल मिसाएर नुहाउँदा राम्रो हुन्छ । जैतुन या बदामको तेलको प्रयोग उपयुक्त हुन्छ । त्यसो त फुस्रो छाला हुनेले नियमित ननुहाउनु ठीक हुन्छ ।
३ फुस्रो छाला हुनेले नुहाउँदा प्रयोग गर्ने साबुनमा ध्यान दिनुपर्छ । बास्नादार साबुन प्रयोग नगर्नु नै उत्तम हुन्छ । जति बास्नादार हुन्छ उति नै केमिकल मिसाइएको हुन्छ । सकेसम्म प्राकृतिक जडीबुटीबाट बनाइएका साबुन प्रयोग गर्नुपर्छ ।
४फुस्रो छाला हुने व्यक्तिले नुहाएपछि छालाको सुरक्षामा विशेष ध्यान पुर्याउनुपर्छ । मोस्चराइजर अनिवार्य प्रयोग गर्नुपर्छ । नुहाएपछि पूरै शरीरमा मोस्चराइजर लगाउँदा अझै फुस्रोपन देखिए फेरि दोहोर्याएर दल्नुपर्छ ।
