काठमाडौं , कार्तिक ३ ।
बेलायतमा जारी विश्व पारा तेक्वान्दो च्याम्पियनसिपमा नेपाली खेलाडी रञ्जना धामीले काश्य पदक जितेकी छन् ।
लण्डनस्थित ओलम्पिक र्पाकमा गएराति सम्पन्न ४९ केजीमुनि तौल समूहको स्पर्धामा रञ्जनाले पेरुकी खेलाडीलाई अंकका आधारमा हराउँदै काश्य जितेकी हुन् ।
सेमिफाइनलमा रञ्जना मंगोलियाका खेलाडीसँग पराजित भएकी थिइन् । रञ्जनालाई सेमिफाइनलमा पराजित गरेकी खेलाडीले फाइनलमा सर्वियाली खेलाडीलाई हराएर स्वर्ण जितेको लण्डनमा रहेका नेपाली प्रशिक्षक कल्याण कुँवरले जानकारी दिनुभयो ।
नेपाली खेलाडीको प्रदर्शन सन्तोषजनक रहेको प्रतिक्रिया उनले प्रतिक्रिया दिए । प्रतियोगितामा नेपालबाट २ महिलासहित चार खेलाडी सहभागी थिए ।
पुरुष खेलाडीहरु रामबहादुर अधिकारीले ६१ केजीमुनि र रोहित हाङ राई ७५ केजीमुनि तौल समूहमा प्रतिस्पर्धा गरेका थिए । उनीहरुले पहिलो चरण पार गर्न सकेनन् ।
महिलातर्फ ५८ केजीमूनि तौलसमूहमा प्रतिस्पर्धा गरेकी पलेसा गोवद्र्धन क्वार्टर फाइनलसम्म पुगेकी थिइन् । अन्तिम ४ को स्पर्धामा उनी रुसी खेलाडीसँग पराजित भइन् ।
