काठमाडौं २६ असोज ।
एएफसी फुटसल च्याम्पियनसिप–२०१८ को क्वालिफायर खेल्न नेपाली राष्ट्रिय फुटसल टोली आज राती इरान प्रस्थान गर्दैछ ।
नेपाली फुटसल टोलीलाई आज अखिल नेपाल फुटबल संघ एन्फाका अध्यक्ष तथा एन्फा फुटसल कमिटिका अध्यक्ष रमेश रायमाझीले बिदाई गरे ।
इरान जाने नेपाली फुटसल टोलीमा १४ खेलाडी, २ प्रशिक्षक, म्यानेजर, फिजियो तथा ५ अफिसियल रहेका छन् र
यस्तै राष्ट्रिय फुटसल टोलीको अफिसियल किट्सका लगि एन्फाले ‘जर्सी पसल नेपाल‘ सँग सम्झौता गरेको छ ।
नेपालले प्रतिस्पर्धा गर्ने साउथ एण्ड सेन्ट्रल जोनका खेलहरु इरानमा अक्टोबर १५ देखि १७ सम्म सञ्चालन हुँदैछ । नेपाल रहेको समूह ए मा उज्वेकिस्तान, किर्गिस्तान र तुर्क्मिनेस्तान रहेका छन् ।
नेपालले फुटसलको इतिहासमै पहिलो पटक अन्तर्रा्ष्ट्रिय प्रतियोगिता खेल्न लागेको हो ।
सुरज राउतको कप्तानीमा रहेको नेपाली टोलीमा १४ खेलाडी छन् । यस्तै, पूर्वराष्ट्रिय फुटबल टोलीका कप्तान राकेश श्रेष्ठ मुख्य प्रशिक्षकका रुपमा रहेका छन् ।
