काठमाण्डौ , १७ साउन ।
नेकपा माओवादी केन्द्र निकट बिद्यार्थी संगठन अखिल क्रान्तिकारीको भावी नेतृत्व चयनका लागी आगामि भदौ ७ देखि ११ गतेसम्म राष्ट्रिय सम्मेलन हुँदैछ । २१ औ राष्ट्रिय सम्मेलनको मिति घोषणासँगै चुनावी सरगर्मि बढेको छ । नेतृत्वका आकाक्षीहरुपनि सलबलाउन थालेका छन् । त्यसमा केहि नामहरु बहिर नै चर्चामा छन् भने केहि सतहमा संगठन भित्रै दर्बिलो तरिकाले आईरहेका छन् । सत्तारुढ दलको बिद्यार्थी संगठनको भावी नेतृत्वमा कस्ले बाजी मार्ला सबैको चासोको बिषय बनेको छ ।
नयाँ नेतृत्वको लागि चर्चामा आएका नाम मध्ये एक हो रामचन्द्र अधिकारी (आर.सी) । जसलाई बिद्यार्थी संगठनका सडक बाघको रुपमा पनि हेर्ने गरिन्छ । राजनैतिक ,वैचारीक रुपमा प्रखर आरसि जनयुद्धका कुशल सिपाहि पनि हुन् ।
जेल नेल र हिरासत ब्रेकसम्मको राजनितिक यात्रा
स्कुले जीवनबाट नै बिद्यार्थी राजनितिमा सक्रिय आर.सी २०५६ सालदेखि एमालेनिकट बिद्याथी संगठनबाट शैक्षिक क्षेत्रमा देखिएका बिकृति सुधारको मुद्धा बोकेर अघि बढे । ०५६ सालमा जिल्ला कमिटि सचिव बन्न सफल उनी सोहि साल सप्तगण्डकी बहुमुखि क्याम्पसको स्वबीयू सचिवमा निर्वाचित भए ।
०५७ सालमा नै उनले अखिलबाट बिद्रोह गरेर तत्कालिन नेकपा माओवादीनिकट बिद्यार्थी संगठनमा आबद्ध भई चितवन जिल्ला कमिटिको उपाध्यक्ष बन्न पुगे । विराटनगरमा भएको १५ औ राष्ट्रिय सम्मेलनमा पनि उनले जिल्ला कमिटिको उपाध्यक्षका हैसियतले प्रतिनिधित्व गरेका थिए ।
त्यसलगत्तै ०५८ साल मंसिरबाट मुलुकमा संकटकालको घोषणा भयो ,उनी पनि भूमिगत भएर राजनितिक यात्रा जारी राखे । जनयुद्धको क्रममा थुप्रै माओवादी नेता कार्यकर्ता गिरफ्तारिमा पर जसमा एक थिए आरसि । ०५८ साल चैत १८ गते उनी प्रहरीको घेराबन्दीमा परे । उनलाई गिरफ्तार गरेर ६ महिनासम्म वेपत्ता पारियो र पछि मकवानपुर हेटौडाको पशुपतिनगर इलाका प्रहरी चौकिमा पुर्याईयो । ०५९ साल असोज ३ गते उनी सोहि प्रहरी चौकिको हिरासत ब्रेक गरेर निस्कन सफल भए ।
हिरासत ब्रेक गरेर निस्कीएपछि पनि उनी बिद्याथी राजनितिमा नै सक्रिय बने । ०६० सालमा चितवन जिल्लामा बिद्यार्थी संगठनको अध्यक्ष बने । जनयुद्ध थप चर्कदै गएकोले उनले धेरैसमय पुन खुल्ला रुपमा संगठनका काम गर्न पाएनन् । ०६२ साल साउन १८ गते चितवन पुरानो गोरखकाली गण कसराको सेनाको टोलीले अअमर उच्चमाबि पटियानीमा अखिल क्रान्तिकारीको कार्यक्रम गर्दै गर्दा कार्यक्रमस्थलबाटै गिरफ्तार गरि १ महिना वेपत्ता पार्यो । र पछि झुठा मुद्धा लगाएर जेल हाल्यो ।
माओवादी शान्तिप्रक्रियामा आएपछि ०६३ साल जेठमा बसेको मन्त्रिपरिषदको बैठकले गरेको निर्णयका आधारमा उनको पनि मुद्धा खारेज भएपछि जेलबाट रिहा भए ।
त्यसपछि पुनः बिद्यार्थी राजनितिमा सक्रिय बनेका आरसि अखिल क्रान्तिकारी पोखरा विश्वविद्यालयको संयोजक र संगठनको सचिवालय सदस्य भएर काम गरेका थिए । ०६९ को राष्ट्रिय भेलाबाट केन्द्रिय सचिव बनेका उनले उपत्यका अन्तरगत नेवा राज्य समितिको संयोजक , सहईन्चार्ज हुदै ईन्चार्जको जिम्मेवारी पनि कुशलतापूर्वक निर्वाह गरेका छन् । ०६२ सालमा रमेश मल्ल अध्यक्ष हुँदा उनी अखिल क्रान्तिकारीको उपाध्यक्ष बनेका थिए ।
०६३ को एकता भेलाबाट पनि पुन उपाध्यक्षको नै जिम्मेवारी निर्वाह गरेका आरसि हालसपनि सोहि जिम्मेवारीमा छन् ।
आन्दोलनबाट भाग्न नजान्ने आर.सी
जनयुद्धताका होस् या शान्तिकालपछिको राजनिति उनी आफु र आफ्नो संगठनले उठाएको आन्दोलनबाट कहिलै नहट्ने नेताको रुपमा परिरचित छन् । आफ्नो नेतृत्वमा भएका कुनैपनि आन्दोलनलाई संगठनको हित विपरित नलगेको र आन्तरिक सहमती या अन्य चलखेल नगरेको अखिल क्रान्तिकारी कै नेताहरु स्वीकार्छन् । पछिल्लो समय बिभिन्न शैक्षिक मुद्धाहरु उठाउने तर बिचमा नै आर्थिक चलखेलको आधारमा त्यसलाई तुहाउने गरेको केहि नेताहरुमा आरोप लागेको भएपनि त्यसबाट उनी मुत्त रहेको र वैचारीक रुपमा प्रखर नेताका रुपमा चिनिन्छन् ।
उनीसँगै अखिल क्रान्तिकारीको भावी अध्यक्षका लागी अनिल शर्मा, रञ्जित तामाङ, गंगाराम तिमिल्सीना, सुरेन्द्र बस्नेत, बिरेन्द्र बस्नेत ,पन्जा सिंह र तिलकराज भण्डारीले पनि चर्चामा छन् ।
