मंसीर १९ काभ्रे । ‘बिजुली चुहिने प्वाल प्राधिकरणभित्रै परेको रहेछ, मैले त्यो प्वाल टाल्न लगाए‘,’ त्यसपछि मात्र लोलसेडिङ हटाउन सकियो।’ यो उर्जा मन्त्री जनार्दन शर्माको अभिव्यक्ति हो ।
शनिबार काभ्रेमा एउटा सहकारी संस्थाको साधारण सभाको उद्घाटन गर्दै मन्त्रीले लोडसेडिङ हटाउने अभियानमा असहयोग गर्नेलाई कुनै हालतमा कार्बाही गरेरै छाड्ने चेतावनी दिनु भयो ।
‘ मन्त्री शर्माले प्राधिकरण भित्र खान पल्केकाहरुको हर्कत विरुद्ध आफू कठोर भएर प्रस्तुत हुने चेतावनी समेत दिनु भयो । उर्जामन्त्री प्रभाकरले लोडसेडिङ हटाउने अभियानमा विभिन्न तत्वहरुले असहयोग गर्न खोजेको दावी गर्दै असहयोग गर्ने प्राधिकरण सञ्चालकहरुमाथि पनि कार्बाही हुने स्पष्ट पार्नु भयो ।
काभ्रेको कुन्तावेशीमा रसकमल स्मृति कृषि सहकारी संस्थाको छैटौं साधारण सभा उद्घाटन समारोहलाई शनिबार सम्बोधन गर्दै मन्त्री शर्माले लोडसेडिङ हटाउने उर्जा मन्त्रालयको अभियानमा अवरोध खडा गर्ने जोकोहीलाई पनि नछाड्ने चेतावनी दिनु भयो ।
उर्जा मन्त्रालयले लोडसेडिङ हटाउने कार्यकारी निर्देशक कुलमान घिसिङ विरुद्ध उभिएका विद्युत प्राधिकरण सञ्चालक समिति सदस्य लक्ष्मणप्रसाद अग्रवाल, मनोज मिश्र र सुरज लामिछानेलाई अवैधानिक गतिविधिमा संलग्न भएको आरोपमा शुक्रबार लिखित स्पष्टीकरण सोधेको जानकारी दिनु भयो ।
