गोरखा , १६ मंसिर ।
बूढीगण्डकी जलविद्युत आयोजना प्रभावित क्षेत्रका जनताको लागि छुट्याएको मुआब्जा कम भएको भन्दै बुडिगण्डकी सरोकार अभियानले आज गोरखामा बिरोध प्रदर्शन गरेको छ ।
गोरखा घ्याल्चोकमा रहेको आयोजनाको कार्यलयमा सयौको सङख्यामा गएका प्रभावित क्षेत्रका स्थानियबासिले बिस्थापित जनतालाई सुरक्षीत स्थानमा वासस्थानको व्यावस्था गर्न माग गरेका छन् ।
आयोजना निर्माणका क्रममा जग्गा अधिग्रहण गर्दा भएको सहमती विपरित प्रतिरोपनि न्युनतम ५ देखि ८ लाख सम्म मुआब्जा दिने निर्णय भएपछि त्यसको बिरोधमा अभियानको नेतृत्वमा प्रदर्शन भएको हो ।
आज अपरान्ह घ्याल्चोकमा रहेका आयोजनाको कार्यलयमा तालाबन्दी गर्ने जाने क्रममा प्रहरीले अबरोध गर्दा झडप समेत भएको त्यहाबाट अखिल नेपाल शिक्षक संगठनको महासचिव गोपाल पाण्डेले जानकारी दिनुभयो ।
प्रहरीले भिडलाई तिरबितर पार्न अश्रुग्यास प्रहार गर्नुका साथै लाठ्ठी चार्ज समेत गरेको बताईएको छ । सो क्रममा केहि आन्दोलनकारीहरु घाईते समेत भएका छन् ।
सो क्षेत्रमा अहिले बाक्लो मात्रामा प्रहरी परिचालन गरिएको छ ।
१२ सय मेगाावाट क्षमताको उत्त आयोजना निर्माणका क्रममा स्वयम आयोजनाले ५ बर्ष अगाडि प्रतिरोपनी ८ लाखको दरमा जग्गा किनेको भन्दै उनीहरुले अधिग्रहणमा परेको स्थानीयको जग्गाको मुआब्जा पनि सोहि अनुपातमा दिन खोजेको भन्दै बिरोध गरेका छन् ।
सो आयोजनाका कारण १० हजार भन्दा बढी घरधुरी बिस्थापित हुनुका साथै आसपासको ७० हजार रोपनि जग्गा डुवानमा पर्ने देखिन्छ ।
