काठमाण्डौ ,५ मंसिर ।
संसदीय समितिले फास्ट ट्रयाक र निजगढ दोस्रो अन्तर्रा्ष्ट्रिय विमानस्थल नेपाल सरकारकै लगानीमा निर्माण हुनुपर्नेमा जोड दिएको छ ।
सिंहदरवारमा आज विकास समिति र अर्थ समितिको संयुत्त बैठकले काठमाडौं तराई ÷मधेस जोड्ने दूतमार्ग (फास्ट ट्रयाक) निर्माणका बिषयमा सरोकारवाला पक्षसँग छलफल गरी आफैले निर्मार्ण गर्नपर्नेमा जोड दिएको हो ।
समितिले आजको बैठकमा भौतिक पूर्वाधार तथा यातायात मन्त्री रमेश लेखकलाई बोलाएर फास्ट ट्रयाककाबारेमा जानकारी लिएका थिए ।
बैठकमा बोल्दै मन्त्री लेखकले सरकारले नै ‘फास्ट ट्रयाक’ निर्माण गर्ने प्रतिबद्धता दोर्होयाइएको छ । भारतीय कम्पनीसँगको निर्माण सम्झौता तोडिएपछि सरकारलाई आफ्नै लगानीमा फास्ट ट्रयाक बनाउने बाटो खुलेको छ ।
मन्त्री लेखकले फास्ट ट्रयाकसम्बन्धी राष्ट्रिय योजना आयोगका उपाध्यक्षको नेतृत्वमा गठन भएको उच्चस्तरीय समितिले प्रतिवेदन बुझाएपछि फास्ट ट्रयाक निर्माण अगाडि बढ्ने बताउनु भयो ।
