पोखरा, कार्तिक २८ ।
उद्योगमन्त्री नवीन्द्रराज जोशीले सरकारले साना घरेलु उद्योगको संरक्षण र ठूला उद्योगको विस्तार योजना अघि बढाएको बताउनु भएको छ ।
पोखरामा आज पत्रकार सम्मेलन गरी उद्योगमन्त्री जोशीले सोहि योजना अनुरुप हाल बन्द रहेका हेटौडा कपडा कारखाना तथा नेपाल औषधि लिमिटेडलाई छिट्टै सञ्चालन गर्न गृहकार्य भईरहेको बताउनु भयो ।
यस्तै मुलुकका ठुला उद्योग बाँसबारी छाला उद्योग, भृकुटी कागज कारखाना पनि छिट्टै सन्चालनमा ल्याउने उहाले जानकारी गराउनु भयो ।
लिमिटेडले पहिलो चरणमा जीवनजल, सिटामोल र एल्वेण्डाजोल उत्पादन गर्ने र कारखानाले पहिलो चरणमा नेपाली सेना, प्रहरी, सशस्त्र प्रहरी, कर्मचारी र स्कुलका विद्यार्थीको पोशाक उत्पादन गर्ने गरी सञ्चालनको तयारी भएको उहाले बताउनु भयो ।
मन्त्री जोशीले बुटवल धागो कारखाना र वीरगञ्ज चिनी कारखाना सरकारले सञ्चालन ल्याउन नसकेकाले निजी क्षेत्रलाई दिने तयारीमा र।हेको पनि जानकारी दिनुभयो ।
त्यसका लागी केही दिनमै टेण्डर आह्वान हुन लागेको उहाले बताउनु भयो ।
बन्द भएका उद्योग पुनस्सञ्चालन गर्न र लगानीमैत्री बनाउन ऐन र नियमावली संशोधन गरेर सहज बनाउने तयारी भएको उद्योगमन्त्री जोशीको दाबी छ ।
