दमौली कार्तिक १२ । बैंकिङ क्षेत्रमा सहज सेवा विस्तार गर्दै गएको प्रभु बैंकले तनहु जिल्लाको दुलेगौडामा नया शाखा स्थापना गरेको छ ।
नेपाल राष्ट्र बैंकका कार्यकारी निर्देशक शिवनाथ पाण्डेले आज एक समारोहका बीच उक्त शाखाको उद्घाटन गर्नु भयो । मर्जरको क्रममा एकै स्थानमा दोहोरिन गएका बैंकका शाखा कार्यालयहरु मध्ये पोखरा शाखा ( साविक ग्राण्ड बैंक नेपाल लि.) कार्यालयलाई दुलेगौडामा स्थानान्तरण गरिएको हो ।
यसका साथै मर्जरको क्रममा दोहोरिन गएका अन्य शाखा कार्यालयहरु पनि क्रमशः स्थानान्तरण गर्दै जाने बैंकको योजना रहेको छ ।
शाखा कार्यालयहरु स्थानान्तरण भई नयाँ ठाउँमा बैंकका शाखा कार्यालयहरु सञ्चालन हँुदा बैंकको सेवा विस्तारित हुनुका साथै उक्त स्थानका ग्राहकहरुले सरल, सहजरुपमा सम्पूर्ण बैंकिङ्ग सुविधाहरु प्राप्त गरी लाभान्वित हुने बैंकले अपेक्षा राखेको जनाएको छ ।
