काठमाडौं ,५ कार्तिक ।
राष्ट्र बैंकले चालु आर्थिक वर्षको पहिलो २ महिनामा व्यापार घाटा उच्च भएको जनाएको छ ।
आज प्रतिवेदन सार्वजनिक गर्दै बैंकले दुई महिनामै १ खर्ब ३५ अर्ब ८४ करोड रुपैयाँ व्यापार घाटा भएको देखाएको छ । यो अघिल्लो बर्षको सोही अबधि भन्दा ४८ दशमलब १ प्रतिशतले बढी हो ।
समिक्षा अवधिमा वस्तु निर्यात ७ दशमलब ७ प्रतिशतले वृद्धि भएपनि आयात निकै उच्च भएकाले व्यापार घाटा पनि बढेको हो । २ महिनामा ७ दशमलब ९ प्रतिशतले मुल्यवृद्धि भएको छ ।
यस्तै खाद्य तथा पेय पदार्थको ७ दशमलब ७ प्रतिशत र अखाद्य वस्तुको ८ दशमलब १ प्रतिशत मुल्यवृद्धि भएको छ ।
बैदेशिक रोजगारीको रकम कूल रेमिट्यान्स चालु आर्थिक वर्षको २ महिनामा ६ दशमलब ६ प्रतिशतले वृद्धि भई १ खर्ब १४ अर्ब ७४ करोड रुपैयाँ पुगेको छ ।
राजश्व संकलन ५१ दशमलब ६ प्रतिशतले बढेको छ । दुई महिनामा ८० अर्ब ४७ करोड रुपैयाँ उठेको प्रतिवेदनले जनाएको छ ।
