काठमाण्डौ ,३० असोज ।
संस्कृति पर्यटन तथा नागरिक उड्यनमन्त्री जीवन बहादुर शाहीले नेपालको हवाई क्षेत्र युरोपेली युनियन इयूको कालोसुचीबाट छिट्टै हट्ने बताउनु भएको छ ।
शाहीले अन्तर्रा्ष्ट्रिय नागरिक उड्यन संगठन आइकाओले नेपालको उड्यन क्षेत्रमा पछिल्लो समय सुधारका प्रयासहरु भइरहेको भन्दै आगामी मार्चदेखी इयुको कालोसुचीबाट हटाउने गरी नेपाललाई आवश्यक सहयोग गर्न लागेको बताउनुभयो ।
केही दिन अघि क्यानाडामा भएको आइकाओको महासभामा समेत मन्त्री शाहीले नेपालको हवाई क्षेत्रलाई इयुको कालो सूचिबाट हटाउन आग्रह गर्नुभएको थियो ।
ईयूको कालोसूचीबाट हटाउनु अघि नेपालको नागरिक उड्यन क्षेत्रमा थप सुधार गर्न अन्तराष्ट्रिय नागरिक उड्यन संगठनले एक जना विज्ञलाई समेत नेपाल पठाउन लागेको बताईएको छ ।
आइकाओले नेपाल पठाउने बिज्ञको ७५ प्रतिशत खर्च समेत व्यहोर्ने सहमति जनाएको छ । नेपालमा हवाई सुरक्षाका लागी अलवम्बन गर्ने कार्ययोजना बनाएर अन्तर्रा्ष्ट्रिय उड्यन संगठनका बिज्ञले ४ महिनासम्म नेपालको उड्यन क्षेत्रका कमजोरी सुधारका लागी काम गर्ने नागरिक उड्यन प्राधिकरणका अधिकारीहरुले बताएका छन् ।
बिज्ञको प्रतिवेदनमा नेपालको हवाई क्षेत्रको सु्रक्षामा बिश्वस्त भएर कमजोरी सुधार भएको पाईए इयूले कालोसुचीबाट हटाउने बताइसकेको छ ।
आइकाओले गम्भिर सुरक्षा कमजोरी देखाएकै कारण २०७० मंसिर २० गते इयुले नेपालको उड्यन क्षेत्रलाई कालोसुचिमा राखेको थियो ।
