काठमाण्डौ , ६ असोज ।
सितल थोपा सिँचाई प्रविधि उद्योगले USAID/Winrock International किसान परीयोजनाको साझदारीमा डडेलधुरा, सुर्खेत र अर्घाखाँचीमा आफ्ना क्षेत्रीय सुपरीवेक्षक, बिक्रेता र सामुदायिक अभिकर्ताहरुलाई लक्षित गरी २÷२ दिने लघु सिँचाई प्रविधि, कृषि प्रसार तथा बजारीकरण तालिम कार्यक्रम सम्पन्न गरेको छ ।
तालिम कृषि उत्पादनलाई बजारमा कसरी पठाउने, कृषिमा आधुनिक प्रणाली अन्तर्गत लघु सिँचाई प्रविधि प्रयोग गरेर कृषिलाई के फाइदा हुन्छ ?, कृषि उत्पादनमा गुणस्तर कसरी बढाउने ?, कृषि बालीहरुमा लाग्ने रोग र किराहरु निराकरण कसरी गर्न सकिन्छ ?,
मौसमी तथा बेमौसमी कृषि उपजहरु लगाँउदा के–के कुरामा ध्यान दिनुपर्छ ?, भन्ने बिषयमा साना तथा मध्यम वर्गीय कृषकहरुको लागि लक्षित गर्नका लागि यो तालिम संचालन गरीएको थियो ।
सो कार्यक्रममा सितल थोपा सिँचाई प्रविधि उद्योगले आफ्ना बिक्रेताहरुलाई सम्मान पनि गरेको थियो । जस अन्तर्गत अछाम जिल्लाबाट थापा एग्रोभेटका प्रमुख श्री पदम बहादुर थापा, बाँके जिल्लाबाट बिक्रेता मोर्डन एग्रो टेक्नोलोजिका प्रमुख चेतन आचार्य र गुल्मी जिल्लाबाट पन्थ एग्रोभेट सेन्टरका प्रमुख श्री कृष्ण प्रसाद पन्थ ताम्रपत्र र नगद सहित सम्मान भएका थिए ।
कार्यक्रममा यस कार्यक्रमका संयोजक तथा सितल थोपा प्रविधिका प्रविधि व्यवस्थापक राजन गैरेले यो कार्यक्रमले नेपालका बढी भन्दा बढी कृषकहरुलाई उन्नत कृषि उत्पादन एवं उत्पादकत्वको लागि प्रवेश विन्दुको रुपमा लघु सिँचाईमा पँहुच विस्तार गर्ने कुरामा जोड दिए ।
यस तालिम कार्यक्रम कृषिमा लामो समयसम्म लागिरहेका बाह्य प्रशिक्षकहरु दामोदर पोख्रल, बलराम सापकोटा, सुरेश कुमार थापा लगायतका प्रशिक्षकबाट प्रशिक्षण गराइएको थियो ।
यस कार्यक्रम सितल थोपा सिंचाई प्रविधि उद्योगका प्रविधि व्यवस्थापक तथा यस कार्यक्रमका संयोजक राजन गैरेका सभापतित्वमा सम्पन्न भएको थियो ।
