काठमाण्डौ , ४ असोज ।
हिमालयन एयरलाइन्सले असोज १५ गतेबाट हप्ताको तीन दिन काठमाडौं श्रीलंका हवाइ रुटमा सीधा उडान भर्ने भएको छ ।
राजधानीमा पत्रकार सम्मेलन गरि एयरलाईन्सले नयाँ एयरबसमार्फत सातामा तीन दिन मंगलबार, बिहीबार र शनिबार कोलम्बोमा उडान भर्ने जानकारी दिएको हो ।
तीनै दिन विमान साढे ११ बजे त्रिभुवन अन्तर्रा्ष्ट्रिय विमानस्थलबाट उड्ने अपरान्ह सवा ३ बजे कोलम्बोमा अवतरण हुने विमान पुन अपरान्ह सवा ४ मा कोलम्बोबाट उडेर बेलकुी सवा ८ मा नेपाल आइपुग्ने छ ।
कम्पनिले काठमाडौ कोलम्बो रुटमा इकोनोमिकमा एक तर्फी भाडा २९ हजार १ सय ९१ रुपैयाँ र दुई तफी ५० हजार ४३ रुपैयाँ तोकेको एयरलाइन्सका भाइस प्रेसिडेन्ट विजय श्रेष्ठले जानकारी दिनुभयो ।
बिजनेश क्लासको टिकट दर एक तर्फी ३९ हजार ३ सय १९ र दुई तर्फी ८२ हजार २ सय ८१ रुपैयाँ तोकिएको छ ।
यसैगरी कोलम्बो काठमाडौं उडानको भाडादर इकोनोमिकमा एक तर्फी २९ हजार ३ सय ३५ रुपैयाँ र दुई तर्फी ५१ हजार ३ सय ५३ रुपैयाँ छ । बजिनेतर्फभने एक तर्फी ४७ हजार ३ सय ७० र दुई तर्फी ८० हजार ८ रुपैयाँ तोकिएको श्रेष्ठले बताउनु भयो ।
