सिंहदरवारमा आज परराष्ट्र र श्रम मन्त्रालयका प्रतिनिधिसँगको छलफलपछि प्रधानमन्त्री दाहालले बैदेशिक रोजगारीमा जाने नेपाली कामदारको समस्या समाधानका लागि परराष्ट्र मन्त्रालय र श्रम मन्त्रालयलाई मिलेर काम गर्न निर्देशन दिनुभएको हो ।
बैदेशिक रोजगारीमा गएका नेपालीहरुका समस्याका साथै यसलाई व्यवस्थित बनाउनेवारे परराष्ट्र र श्रम मन्त्रालयका प्रतिनिधिले प्रधानमन्त्रीलाई बिफ्रिङ गरेका थिए ।
उनीहरुको बिफिङ सुनेपछि उहाले बैदेशिक रोजगारीलाई मर्यादित , सुरक्षित र व्यवस्थित बनाउने बिषयमा परराष्ट्र र श्रम मन्त्रालय मिलेर योजना र कार्यक्रम ल्याउन निर्देशन दिदै सरकारले सोहि योजना अनुसार नीति, कानून बनाउने, त्यसलाई कार्यान्वयन गर्ने र व्यवस्थित नियमन गर्ने कार्य अघि बढाउने बताउनु भयो ।
बिदेशमा पुगेर समस्यामा रहेका नेपालीलाई आवश्यक सहयोग गर्न पनि आग्रह गर्नुभएको छ । प्रधानमन्त्रीले नेपाली नागरिकलाई देशभित्रै सम्मानजनक श्रम गर्ने र उचित पारिश्रमिक पाउने अवस्था सिर्जना गराउन हाम्रो ध्यान जानुपर्नेमा पनि जोड दिनुभयो ।
यस्तै बैठकमा बैदेशिक रोजगारीमा गएका नेपाली कामदारका समस्या, कारण, उद्धार संयन्त्र, प्रकृया र नीतिगत समस्याहरुका बारेमा बिस्तृत छलफल भएको थियो ।
