काठमाण्डौ, २ भदौ ।
राष्ट्रिय ध्वजाबाहक नेपाल वायु सेवा निगमले आजदेखि काठमाडौं–दुबई उडान पुनः सुरु गर्ने भएको छ ।
चार वर्षअघिसम्म नेपाल वायु सेवा निगमले काठमाडौं–दुबई उडान गर्ने गरेको थियो । तर त्यस यता जहाजको अभावमा निगमले उडान रोकेको थियो ।
काठमाडौं–दुबई उडानका लागि सबै तयारी पूरा भएको निगमका कर्पोरेट निर्देशक रामहरि शर्माले जानकारी दिनुभयो ।
उहाँका अनुसार १ सय ५८ सिट क्षमताको ए–३२० एयरबसबाट हुने पहिलो दुबई उडानका लागि बुकिङ पूरा भइसकेको छ ।
काठमाडौंबाट आइतबार, मङ्गलबार र बिहीबार तथा दुबईबाट सोमबार, बुधबार र शुक्रबार उडान हुनेछ ।
काठमाडौँ–दुबई उडानको सुरुको प्रवद्र्धनात्मक भाडा दर राउन्ड ट्रिपको ३२ हजार रुपैयाँ तोकेको प्रवक्ता शर्माले बताउनुभयो ।
संयुक्त अरब इमिरेट्सको दुबईमा नेपाली कामदारको संख्या अत्याधिक रहेकाले पनि सम्भावना बोकेको गन्तव्य हो ।
