काठमाडौं, साउन २८ ।
व्यवस्थापिका संसद्को सुशासन तथा अनुगमन समितिले हवाइ दुर्घटनामा बृद्धि भएको बिषयमा छानविन गर्न उपसमिति गठन गरेको छ ।
समितिले आज पर्यटन सचिव प्रेमकुमार राई र नेपाल नागरिक उड्डयन प्राधिकरणका महानिर्देशक संजिव गौतमसँगको छलफलपछि दुर्घटना हुनुमा नीतिगत कमजोरी रहेरनरहेको बारेमा अध्ययन गरी सुझाव दिन ५ सदस्यीय उपसमिति गठन गरेको हो ।
उपसमितिमा अमरबहादुर थापा, ध्यानगोविन्द रञ्जित, हर्कबोल राई, दिलनाथ गिरी र नगेन्द्र कुमाल सदस्य छन् ।
समितिको बैठकमा पर्यटन सचिव प्रेमकुमार राईले दुर्घटना रोक्नका लागि पाइलटहरुलाई निगरानीमा राख्न आवश्यक रहेको बताउनु भएके छ ।
सचिव राईले मानवीय त्रुटिका कारण हवाई दुर्घटना दोहोरिने गरेको पनि धारणा राख्नुभयो ।
हवाई उडानका क्षेत्रमा खासगरी अपनाउनुपर्ने नियम तथा नयाँ प्रविधिको प्रयोगमा विशेष ध्यान र्पुयाइएको बताउँदै उहाले कतिपय अवस्थामा जहाज र चालक ठीक भएपनि डाँडामा ठोक्किएर दुर्घटना हुने गरेको बताउनु भयो ।
मन्त्रालयका सहसचिव सुरेश आचार्यले हवाई क्षेत्रको नियमन र दुर्घटनासम्बन्धी हेर्ने बेग्ले संयन्त्रको खाँचो रहेको जानकारी दिनुभयो ।
