काठमाण्डौ ,२७ साउन ।
माथिल्लो कर्णाली जलविद्युत आयोजना निर्माणका लागी लगानी जुटाउन नसकेपछि जीएमआरले १ वर्षको म्याद थपका लागि लगानी बोर्डमा पत्राचार गरेको छ ।
९ सय मेगावट क्षमताको आयोजना निर्माणको जिम्म पाएको भारतीय कम्पनी जीएमआरले तोकिएको समयमा लगानी जुटाउन नसक्ने भएपछिलगानीको श्रोत जुटाउन थप समय माग गरेको हो ।
आगामी सेप्टेम्बरसम्ममा १ खर्व १६ अर्व रुपैयाँ लगानी जुटाउनु पर्नेमा जीएमआर असमर्थ भएको हो ।
विभागीय मन्त्री बोर्ड सदस्य हुने भएकाले लगानीबोर्डको बैठक बस्न नसक्दा जीएमआरको पत्रका बारेमा ठोस निर्णय भने हुन सकेको छैन ।
भारतीय कम्पनीलाई आयोजना दिन नहुने भन्दै केही राजनीतिक दलको बिरोधका बाबजुत सन २०२१ सम्म निर्माण सम्पन्न गर्नेगरि २ वर्ष अघी जीएमआरसँग आयोजना विकास सम्झौता पीडीए भएको थियो ।
आयोजनाको २७ प्रतिशत इक्वीटी स्थानीयलाई दिनुपर्ने सम्झौतामा उल्लेख छ ।
