सेयर बजार सूचक नेप्से इन्डेक्स १२.७५ अंकले घटेर आज १८१३.७२ अंकमा झरेको छ । यो दिन नेप्सेका सबै समूहगत सूचकरु रातो रंगले पोतिएका छन् ।
नेप्सेमा रातो रंगले घटेको र हरियो रंगले बढेको संकेत गर्छ । यो साताको पहिलो दिनदेखि नै नेप्से लगातार घटिरहेको थियो ।
२०६५ भदौ १५ गते त्यसबेलासम्मकै उच्च ११७५ अंकमा रहेको नेप्से प्रचण्ड प्रधानमन्त्री भएकैबेला ०६५ फागुनमा घटेर ५ सय अंकको हाराहारीमा आएका थियो । यो पटकपनि आज प्रचण्ड प्रधानमन्त्री भएकै दिन पुन सेयर घटेको थियो ।
यो दिन वाणिज्य बैंक समूहको सूचक साढे १३ अंकले घटेको छ । पुँजी बजारमा बैंकिङ समूहको ७५ प्रतिशत बजार हिस्सा छ ।
त्यसैगरी, होटल समूहको १०.८९ अंकले, विकास बैंक समूहको ११ अकले, जलविद्यूत समूहको साढे १७ अंकले बीमा समूहको ३३.८२ अंकले, वित्त कम्पनी समूहको साढे १० अंकले, उत्पानमूलक समूहको ४१ र अन्य मसूहको सूचक ३.७६ अंकले घटेको नेपाल स्टक एक्सचेञ्जले जनाएको छ ।
यो दिन स्टक एक्सचेञ्जमा १ सय २४ कम्पनीका २४ लाख ९९ हजार कित्ता सेयर एक अर्ब २८ करोड रुपैयाँमा किनबेच भएको छ ।
