काठमाण्डौ , ११ साउन ।
सेयर बजारमा आज एकै दिन २ अर्ब ७५ करोड ३७ लाख रुपैयाँको कारोबार भएको छ ।
आज एकैदिन २८ अंकले बढेर नेप्से सूचक १८ सय ६६ दशमलभ ५० अंकमा पुगेको छ । आज नेप्सेमा हालसम्मकै उच्च कारोबार भएको हो ।
१ सय ४३ कम्पनीका ५८ लाख ८८ हजार कित्ता सेयर सो मुल्यमा कारोबार भएको नेपाल स्टक एक्सचेञ्जले जनाएको छ ।
आईतवारदेखि सेयर कारोबार गर्दा लगानीकर्ताले ब्रोकरलाई तिर्नुपर्ने नयाँ कमिशन दर लागू भएपछि २ दिनमै नेप्से सूचक ६८ अंकले बढेको हो ।
०६३ सालमा लागू गरिएको पुरानो कमिशन दरमा ४० प्रतिशतले घटाएर नेप्सेले नयाँ कमिशन दर लागू गरेको हो ।
मंगलबारको कारोबारमा होटल समूहको उपसूचक सबैभन्दा बढी अर्थात ७३ अंकले बढेको छ । त्यसैगरी वाणिज्य बैंक उपसमूहको कारोबार २४.२४५ अंकले बढेको छ भने यो उपसमूहको मात्रै १ अर्ब ४२ करोड रुपैयाँको सेयर कारोबार भएको छ ।
त्यसैगरी, विकास बैंक उपसमूहको ७३, जलविद्युत उपसमूहको ३०, फाइनान्स कम्पनीको २२ र इन्स्योरेन्स उपसमूहको सूचक ३१ अंकले बढेको नेप्सेले जनाएको छ ।
आजको कारोबारमा उत्पादनमूलक उपसूमहको उपसूचक भने उच्च अंकले घटेको छ । यो उपसमूहको ६४.३८ अंकले घटेको हो ।
